آواران ءَ آدم حقانی اکیڈمی ءِ نیمگ ءَ لبزانکی دیوان

دیوان ءَ بلوچی زبان ءِ شائراں بھر زرتگ ءُ وتی ازم ءِ درانگازی کرتگ –

دیوان بیست ءُ یک مارچ ءَ ماں آواران ءَ آدم ھکانی اکیڈمی ءِ ھپتگی نیاد ءَ اکیڈمی ءِ کارگس ءَ بنگیج کنگ بیتگ، دیوان ءِ پاگواجھی اکیڈمی ءِ کمک کارمستر عارف اسلام ءَ شَے آوارانی ءِ سروکی ءَ کنگ بیتگ، دیوان تالب تاھیر ءِ شرپ ءَ برجم دارگ بیتگ –

دیوان شَیری سرھال ءِ سر ءَ بیتگ کہ اود ءَ بلوچی زبان ءِ شائراں وتی ازم شیری رنگ ءَ درانگاز اِتگ اَنت بازیں شائراں وتی وتی شَیر ونتگ اَنت ءُ دیوان وشنود اِش کرتگ –

اکیڈمی ءِ نیمگ ءَ شنگ بیتگیں ھالاں دیوان ءِ بنگیج سمیر ھمراز ءَ کرتگ ءُ چارچینی ءِ ڈبہ کارگشاد مقبول وفا ءَ کرتگ –

دیوان ءَ بھرزرتگیں شائر عارف اسلام، مقبول وفا، کلیم کادر، تالب تاھیر، خالد عمر، واھد ساگر، ملا مشرف کریم، اشفاق اے ڈی، مختیار مھر، دولت منان، شَے آوارانی، حبیب عطا، شیر صبا ءُ سمیر ھمراز ءَ وتہ وتی شیر ونتگ اَنت ءُ دیوان براھدار کرتگ –

زانگ بہ بیت بلوچستان ءِ بازیں ھند ءُ جاھاں بلوچی زبان ءِ درگت ءُ دیمروئی ءِ واستا جتا جتائیں لبزانکی گل ءُ نودربر گلانی نیمگ ءَ پیسٹول ءُ لبزانکی دیوان وھد وھد ءِ سر ءَ بیگ ءَ اَنت کہ چرے دیواناں بلوچی زبان ءَ بندکیں کواس ءُ شائر بھر زورگ ءُ اے کارانی پژدر ءَ بلوچی زبان ءِ دیمروئی لیکگ ءَ اَنت –