بولان ءَ پاکستانی پوج ءِ سر ءَ اُرش، اُرش زمّہ واری بی ایل اے ءَ منّ اِتگ

پیر اسماعیل ءَ پاکستانی پوج تراک ناکیں شوروانی نشانگ جوڑ کتگ دو پوجی کارمند کُشتگ اَنت – جئیند بلوچ

سربیتگیں ھالانی ناشناسیں مردماں بولان ءِ دمگ پیر اسماعیل ءَ پاکستانی پوج ءِ راہ ءِ سر ءَ تراک ناکیں شورو کل کُتگ پاکستانی پوج نشانگ جوڑ کتگ – چیریشی ءَ پوج ءَ تاوان رس اتگ –

دومی نیمگ ءَ بلوچ آجوئی لوٹوکیں سلاہ بندیں گل بلوچ لبریشن آرمی جارکش جئیند بلوچ ءَ رسانکدراں وتی شنگ کرتگیں درشان ءِ تہ ءَ اے اُرش زمّہ واری منّ اِتگ ءُ گوشتگ کہ مئے سرمچاراں بولان ءِ دمگ پیراسماعیل ءَ زورگیریں پاکستانی پوج ءِ کارمندانی سر ءَ ھما وھد ءَ بمب اُرش کتگ کہ آ راشن ءِ رند ءَ وتی پوسٹ ءَ چہ جھل ایر آیگ ءَ بوتگ اَنت –
جارکش گوشتگ کہ اے اُرش ءَ پاکستانی پوج ءِ دو کارمند جاہ پہ جاہ مرتگ-

جارکش جئیند ءَ گوشتگ کہ اُرش ءَ پد سرمچاراں دژمنیں پوج ءِ مڈی ءُ سامان دستیگ کتگ اَنت-