بلوچ اسٹوڈنٹس ایکش کمیٹی ءَ پاکستان ءِ میڈیکل کمیشن ءِ پیسلہ رد کرتگ

بلوچ اسٹوڈنٹس ایکشن کمیٹی (بساک) ءَ بلوچستان ءَ سَے میڈیکل کالجزانی انسپکشن ءِ بارہ ءَ پاکستان ءِ میڈیکل کمیشن ءِ پیسلگ ءِ سر ءَ وتی ھیال درشان کنان ءَ گوشتگ ءُ رد کرتگ ءُ گوشتگ کک بلوچستان مڈیانی درچ ءَ پاکستان ءِ سیر ءُ پرگنج تِریں اُستان بیگ ءَ ابید گوستگیں ھپتاد سالاں بُنکی زرویاتاں زبھر اِنت –

شال ءِ پریس کلب ءَ پریس کانفرنس کنان ءَ رھشوناں گوشتگ کہ دومی تکانی ھواری ءَ وانگ ءِ پِڑ ءَ ھم بلوچستان پاکستان ءِ پشکپتگیں اُستان اِنت –

آیاں گوشت: زانت ءُ بودشتی ءِ ھواری ءَ ابید ھم اد ءَ ورنایاں موہ نہ دیگ ءِ سوب ءَ بنکی ھک ءُ دگہ درکپتگیں پدانکانی سر بیگ ءَ لاچاری اَنت وھدیکہ سریچیں مڈیانی ھمراھی ءَ وانگ ءَ مروچی درستاں گیش سنچداریں ورناہ گندگ ءَ کاینت – چریشی ءِ راستی سرجمیں سال ءَ وتی وانگی ھکانی ھاتر ءَ جد ءُ جھد کنوکیں نودربر اَنت –

مئے مول ءُ مراد پاکستان ءِ میڈیکل کمیشن ءِ نیمگ ءَ بلوچستان ءَ جاڑیگیں سَے میڈیکل کالجز ءِ بارہ ءَ اے پیسلگ ءِ سر ءَ ھبدہ مارچ ءَ جار پِرینتگ ھما پیسلگ ءِ رد ءَ سَے ماھانی تہ ءَ اے کالجز انسپکشن بیت اِنت اگاں اے کالجز پاکستان میڈیکل کمیشن ءِ بنکی شرتاں سرجم ءَ دیم ءَ کیت گڑا آئی ءِ پی ایم سی ءَ رجسٹر دیگ بیت اِنت اگاں بنکی شرت سرجم نہ بنت گڑا کالجز بند کنگ بنت ءُ ات کالجزانی نودربراں مئی جون ءَ یک اسپیشل چکاسے بیت اِنت اے چکاس ءَ سوبمند بیتگیں پی ایم سی ءَ رجسٹر بیت اِنت اے پیسلگ ءَ نودربرانی تہ ءَ دلپروشی ءِ ودی بیتگ-

آئی ءَ گوشت: نودربرانی مازگی کھریں جیڑگانی آماچ اَنت مروچی پریا کانفرنس ءِ زور ءَ ما پاکستان میڈیکل کمیشن، اُستانی سرکار ءُ بنجاھی سرکار زمہ داراں سرپدی دیگ بیت کہ بلوچستان ءِ میڈیکل کالج گوست ءُ انوگیں وھداں کہ ھمود ءَ بلوچ نودربر میڈیکل وانگ ءَ زبھر بیگ ءَ اَنت ءُ اے وڑ ءَ نودربرانی گون ءَ ناانساپیانی درچ ءَ کاینت – ما دراھیں واکداراں گوں دزبندی کن ایں کہ بلوچستان ءِ میڈیکل کالجزاں زوت ءَ زوت رجسٹر بہ کنت ءُ اے کالجزاں ناگیگی ءِ جاورھالاں در بہ کن اَنت بلوچستان ءِ میڈیکل نودربراں ایمنی ءِ ساہ کشگ دیگ بہ بیت –

آئی ءَ گوشت کہ ما اُمیت کن ایں سرکار بلوچستان ءَ الکاپی ءَ دلگوش کنت ءُ زوت ءَ چہ زوت اے کالجزاں رجسٹریشن ءُ ورنایانی جوانتریں دیم ءِ واستا وتی کرد ءَ پیلو کن اَنت اشانی ھمراھی ءَ ما لوٹ کن ایں پنجاپ ءِ ھما دارھاں میڈیکل سیٹانی ھلاس کنگ بیتگ اَنت وھدیکہ ایچ ای سی ءِ ھلاس کرتگیں یک سد ءُ سِی ءُ چار سیٹ ءُ علامیہ اقبال ءُ دومی یونیورسٹیانی کوھنیں میڈیکل سیٹانی بھال کنگ بہ بنت چریشی ءَ بازیں ورنایانی وانگ ءِ در بند بیگ ءَ اَنت –

آیاں گوشت کہ یک زمہ داریں نودربر گلے ءِ پِڑ ءَ ما ھروھد ءَ ما وتی کوششاں وتی گیشتریں وانگی ادارھانی گون ءَ وانگی درچ ءِ تالان کتگ – بلے بد بھتی ءَ اد ءَ ھروھد ءَ جیڑھانی سر ءَ نودربر مازگی کھرانی آماچ بیتگ اَنت اگاں بلوچستان ءِ میڈیکل کالجز ءِ رجسٹریشن نہ کرت اَنت ءُ پاکستان ءِ جتا جتائیں میڈیکل یونیورسٹیاں بلوچستان ءِ نودربرانی ھلاس کرتگیں سیٹ بھال نہ کرت اَنت گڑا جمھوری رنگ ءَ زھرشانی ٹاھاں یگ کپ ایت ءُ چریشی ءَ ما دراھیں پھناتاں وتی ھک ءَ داریں –