جھٹ پٹ مارکیٹ ءِ شھیداں دروت ندر کن آں – بلوچ یکجھتی کمیٹی کراچی

بلوچ یکجھتی کمیٹی کراچی ءِ جارکش ءَ وتی درشانی ءَ گْوشتگ مک دوازدہ مارچ دوھزار ءُ چاردہ ءَ لیاری جٹ پٹ مارکیٹ ءَ پیش اتکگیں وئیل ءِ ایرجنی ءَ ھمینکس بہ کن آں کم اِنت پرچاکہ اے وئیل ءَ بیست ءَ گیش زالبول ءُ چُک شھید بیتگ اَنت ءُ پنجاہ ءِ نزیک ءَ مردم زدگ بیتگ اَنت –

اے وئیل ءَ زانگ بیت اِنت کہ سندھ ء سرکار کراچی ءِ مھلوک گیشتر لیاری ءِ مھلوک ءِ رکینگ ءَ بے سوب بیتگ ءُ چَٹ پٹ ءِ ناوشیں وئیل ءَ سرکار ءِ بُتی ءِ تچکیں منانک اَنت –

جارکش ءَ گوشت: کہ لیاری بیست ءُ یکمی کرن ءِ اولی بھراں زلم ءُ ناانساپی ءِ مُجانی تہ ءَ دور دیگ بیتگ ءُ مھلوک ءِ زندگی تھاریں شپے ءِ بستار ءَ جوڑ کرتگ بلے اے دور ءِ سرکار ءَ مھلوک ءِ رکینگ ءَ ابید گینگسٹرز اں سرجم کمک رس اِتگ ءُ مھلوک ءِ ھلار کنگ ءَ پاند پچ کرتگ اَنت –

لیاری ءَ ھوار کراچی ءِ بازیں جاھاں گینگ وار ءُ منشیات پروش یل کنگ بیتگ اَنت ءُ مھلوک ءِ سیاسی ءُ چاگردی ترامکاریانی پاد بُرگ بیتگ اَنت – جھٹ پٹ ءِ ناوشی ھم ھمے زُلم ءُ زوراکیانی درچ ءَ یک شَوربندی ءَ لیاری ءِ سر ءَ چگل دیگ بیتگ –

جارکش ءَ گوشتگ کہ ھنچش ھال اِنت لیاری ءِ گینگ واراں بندوکیں بازیں مردم سلاہ بند اَنت ءُ لیاری ءِ بازیں جاھاں گندگ بیتگ اَنت ءُ چریشی ءَ زانگ بیت اِنت کہ لیاری یک رندے پد ءَ گینگوارانی زیردستی ءَ کپ ایت اِنت – سندھ ءِ سرکار دگہ کانوداروکیں ادارھاں گوں دزبندی اِنت کہ لیاری ءِ مھلوک ءَ بہ رکین اَنت –

جارکش ءَ وتی درشانی ءِ گڈسر ءَ گوشتگ کہ بلوچ یکجھتی کمیٹی کراچی لیاری عوامی مھاز ءِ نیمگ ءَ دوازدہ مارچ دوھزار ءُ بیست ءُ یک ءَ داتگیں جار ءِ پلامرزی ءَ کنت ءُ وتی دراھیں باسکاں کڈن کنت آ لیاری عوامی مھاز ڈیواھی ءِ رژنا کنگ، مراگش ءَ بھر بہ زور اَنت ءُ شھیداں دروت ندر بہ کن اَنت –