بساک کراچی ھنکین نیمگ ءَ الیاس بلوچ ءِ یات ءَ مراگش

مراگش ءَ گل ءِ باسکاں ھوار نودربراں بھر زرتگ ءُ الیاس ءِ یات ءَ وتی ھیال ءُ لیکہ درشان اِتگ اَنت –

مروچی پنچ مارچ ءَ سندھ ءِ بنجاھی شھر کراچی ءَ نودربر گل بلوچ اسٹوڈنس ایکشن کمیٹی ءِ چہ کراچی ھنکین نیمگ ءَ ھنکین کماش الیاس بلوچ ءِ یات ءَ پُرسی مراگاہ ءِ دارگ بیتگ-

یاتگیری مراگاہ کراچی شاھدربرجاہ ءَ برجاہ دارگ بوتگ – مراگش ءَ مجاھد بلوچ، عارف بلوچ ءُ اسرار بلوچ ءَ گپ ءُ تران کنان ءَ الیاس ءَ گوں یکجاھی ءَ گوازینتگیں ساھت ءُ گوں گل ءَ نزیکی ءُ آئی ءِ کارانی سر ءَ گپ جتگ ءُ آئی ءِ کارانی پھر بستگ ءُ دروت ندر کتگ –

الیاس بلوچ اسٹوڈنس ایکشن کمیٹی ءِ کراچی ھنکین ءِ سروک بیتگ ءُ گوستگیں ماہ ءِ چاردہ فروری ءَ ناگتی بیران بیتگ –