نبشتانک: راجی دوزواہ شھید شے سپاھان بلوچ
نبشتہ کار: شیھک شاہ
دی بلوچستان پوسٹ
انچُش گُش اَنت کہ گریب دوست نان دے ئیں مردُم بِھ گار نہ بیت ، ھمے گریب دوستاں چہ یکے شھید سپاھان اَت شھید ءَ مُدام گریب ءُ درتگ پُچانی مدت ءُ کُمک کُتگ اَت، شھید ءِ لوگ ءَ چُشیں روچے نیست اَت کہ مھمان مہ اِیت ،ھرروچ دہ دہ مردُم شھید ءِ مھمان اَت ءُ شھید سکیں راج دوستیں مردُمے اَت یک سرجمیں آشوبی ءُ انکلابی مردُم اَت وھدے کہ شھید بابادرویش وتی دمگ ءَ چہ درآتک پہ پارٹی ءِ کارانی واست ءَ شُت بالگتر ءَ گُڑا شھید بابادرویش ءِ جاگہ شھید سپا جان ءِ گِس اَت۔
شھید بابادرویش شھید سپاھان ءِ سک ءَ نزیک ءَ وتیگ اِنت ھردوئیں وت ما وت ناکو زتک اَنت شھید سپاھان ءِ لوگ پہ سرمچاراں یک بنجلے جوڑ بوت ،ھروچ سنگتانی رو آ بوت شھید ڈاکٹر منان جان ھوار دگہ ھزاراں سنگت شھید ءِ گِس ءَ آتک انت ءُ شھید سپاھان گوں سنگتاں مُدام ھم دیوان اَت شھید سپاھان ءِ بیٹک ءَ شھیدانی اکس لگوک اِت ، اَنت شھید مُدام گوں سنگتاں بچکندگ ءَ اَت انچُش کہ مرچی ھزاراں مردُم گُش اِیت ، مارا پہ شھید ءِ بچکندگاں زھیر کنت ، ھمے وڑ ءَ وھد گوزان بوت ناپاکیں پاکستان ءِ سی پیک روٹ چہ بالگترا گُوست بالگتر ءِ بازیں میتگ لڈ ءُ بار ءَ لاچار بوت اَنت ءُ شھید سپاھان ھم لڈ اِت کولواہ ناگ ءَ شُت ءُ نِشت اود ءَ ھم شھید ءِ لوگ سرمچارانی جاہ اَت شھید سپاھان بلوچ نیشنل مومنٹ (بی این ایم )ءِ باسکے اَت۔
3/11/2016/ ءَ پاکستانی لشکر ءِ زمینی ءُ بُرزی لشکر کشی بندات کُت ءُ پاکستانی ناپاکیں پوج ءَ شھید سپاھان انگیر کُت شھید ءِ آوار جَنگ ءِ جُھد کُت بلے شھید سپاجان ءَ وتی نِگارو پسٹل کَش اِت پاکستانی لشکر ءِ کارمندانی سر ءَ اُرش ئِے کُت ءُ پاکستانی لشکر ءِ 3 سے کارمند مُردار کُت وت پاکستانی لشکر ءِ تیر دلبند ءَ وارت اَنت ئِے ءُ پہ زمین ءَ کُربان بوت ءُ زمین ءِ ھاک امباز ئِے کُت ءُ نمیران بوت۔
من سدک آں یک روچے شھید سپاجان ءِ ھون پہ بلوچ ءَ وشیں باندات ءِ کار اِیت-
“دُژمن ءُ بدواہ سک گَل ءَ بال اَنت
دوست تئی مرگ ءَ دائم ھِسکار اَنت”
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کارے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔