بلوچستان: ھمے سال ءَ 9 سد ءُ نود ءُ پنچ دگ ءِ وئیلاں 1سد ءُ شش مردم بیران1 ھزار چارسد ءُ چل ءُ شش ٹپی بیتگ اَنت

سرجمیں دنیا ءَ ایمنی ءُ سلامتی ءِ امیت دارگ ءِ ھمراھی ءَ اے سال 2021 ھم بلوچستان ءِ تہ ءَ دگ ءِ وئیلاں کمی نیتکگ – بلوچستان ءِ شھدگانی سر ءَ وئیلانی درچ برجاہ انت – جنوری ءِ ماہ ءَ یکشل ءَ بلوچستان ءِ بازیں شھدگانی سر ءَ 9 سد ءُ نود ءُ پنچ دگ ءِ وئیل دیم ءَ اتکگ، وئیلاں 1ھزار ءُ چار سد ءُ چل ءُ شش مردم ٹپی بوتگ اَنت ءُ 1سد ءُ شش مردم بیران بیتگ اَنت-

چہ بلوچستان یوتھ اینڈ سول سوسائیٹی ءِ نیمگ ءَ شنگ بوتگیں دگ ءِ وئیلانی رپورٹ ءِ رِد ءَ بلوچستان ءِ تہ ءَ سال 2021 ءِ جنوری ماہ ءَ تاں بہ گر انیگ ءَ 9سد ءُ پنجاہ پنچ دگ ءِ وئیل دیم ءَ اتکگ اَنت کہ چریشی ءِ سوب ءَ 1ھزار چارسد ءُ چل ءُ شش مردم ٹپی بوتگ اَنت 1سد ءُ شش مردم بیران بیتگ اَنت –

بلوچستان یوتھ اینڈ سول سوسائیٹی ءِ رپورٹ ءِ رِد ءَ بلوچستان ءِ جتاجتائیں ھند ءُ دمگاں اے وئیل دیم ءَ اتکگ انت – شال، مستونگ، کھڈکوچہ، کلات، خان میتھرزئی پشین، بوستان، کچلاک، قلعہ سیف اللہ، قلعہ عبداللہ، چمن ءُ مسلم باغ ءَ سَے سد ءُ شست ءُ شش وئیل بوتگ اَنت ، وئیلانی سوب ءَ چارسد ءُ شست ءُ دو مردم ٹپی بوتگ اَنت بیست ءُ نُھ مردم مرگ ءِ دیمپان بوتگ اَنت –

ھزدار، وڈھ، سوراب، باغبانہ لسبیلہ، وندر، اوتھل، گڈانی ھب چوکی، بھوانی ءَ چارسد ءُ شست ءُ پنچ وئیلانی تہ ءَ شش سد ءُ شست ءُ پنچ مردم ٹپی بوتگ اَنت ءُ سِی ءُ ھپت مردم بیران بوتگ اَنت ۔ ژوب، لورالائی، ھرنائی، ،خانوزئی، شیرانی، موسیٰ خیل ءُ بدزئی ءَ ھپتاد ءَ نُھ وئیلاں چہ یک سد ءُ پنچ مردم ٹپی بوتگ اَنت ءُ چاردہ مردم مرگ ءِ دیمپان بوتگ اَنت –

ھمے وڑ سبی، ڈیرہ مراد جمالی، ڈیرہ اللہ یار، ڈیرہ بگٹی، نصیر آباد، کوھلو، ،مچھ، بولان، جھل مگسی، رکنی، کولپور ءُ پیرغیب ءَ سِی ءُ ھپت وئیلاں نود ءُ شش مردم ٹپی بوتگ اَنت ءُ دوازدہ مردم بیران بیتگ اَنت ۔ پنجگور، تربت، گوادر، تمپ، پسنی، مکران کوسٹل ھائی وے، اورماڑہ جیونی ءَ نوزدہ دگ ءِ وئیلاں پنجاہ ءُ نُھ مردم ٹپی بوتگ اَنت ءُ شش مردم بیران اَنت –

نوشکی، ھاران، چاغی، دالبندین، نوکنڈی، تفتان، بیسیمہ، اسماعیل یلانڈی احمد وال ءُ یک مچھ ءَ بیست ءُ نُھ وئیلاں پنجاہ ءُ نُھ مردم ٹپی بوتگ اَنت ھشت مردم مرگ ءِ دیمپان بوتگ اَنت –

ھمے ماہ ءَ فروری ءَ ھم دگ ءِ وئیلے ءَ لھتے کھول اسرمند بوتگ – اے وئیلاں چہ چُکے گون مات ءُ پت ءَ بیران بوتگ کہ آ چمن ءِ نندوک بوتگ انت – دومی کھول ءَ مات ءُ پت ءِ گوں چُک ءِ ھمراھی ءَ کہ ٹپانی درد ءِ نہ سگتگ ءُ بیران بیتگ انت ءُ دو زھگ ھم ٹپی بوتگ اَنت کہ آھانی سیادی چہ پنچاپ ءَ بوتگ – سیمی کھول چُک گوں پت ءَ بیران بوتگ کہ اھانی سیادی کاسی ٹک ءَ چہ بوتگ یک کسانیں چکے مات ءِ لاپ ءَ چہ دگ ءِ وئیل ءَ بیران بوتگ یک دگہ لاپ پُریں جنینے بیران بوتگ کہ پنجگور ءِ نندوک بوتگ یک دگہ کھولے ءِ چُک گوں پت ءَ دگ ءِ وئیلے ئِے اماچ بوتگ ءَ بیران بیتگ ـ کہ آئی سیادی چہ شیرانی ءَ بوتگ –