سربوتگیں ھالانی رِد ءَ بلوچستان ءِ دمگ چاگی ءَ دگ ءِ وئیلاں ءَ کسانیں چکے ءَ ھوار سَے مردم بیران، یک ءِ باز ٹپی بیتگ –
گیشیں ھالانی رِد ءَ چاگی ءِ دمگ امین آباد ءِ نزیک ءَ تیز رؤکیں گاڑی ءِ چپی بوتگ –
چپی بوگ ءِ سوب ءَ ماتے گوں وتی چُک ءَ بیران بوتگ ءُ وھدیکہ پت باز محمد سک باز ٹپی بوتگ –
ٹپی بوتگیں مردم ھما دمان ءَ چاگی ڈسٹرکٹ ھسپتال ءِ ھیڈ کوارٹر ءَ سرکنگ بوتگ –
اشی ءَ ابید چاگی گردی جنگل ءَ لیویز چیک پوسٹ ءِ نزیک ءَ تیز روگ ءِ سوب ءَ گاڑی ءِ چپی بوتگ – وئیل ءَ یک مردمے بیران بوتگ –
بیران بوتگیں مردم ءِ پجار سناء اللہ جھمنند شال سریاب ءِ نام ءَ چہ بوتگ –
دمگی پھازداراں آئی ءِ جون چست کتگ ءُ چاگی نادراھجاہ ءَ سر کُتگ-