زامران ءَ پاکستانی پوج ءِ سر ءَ اُرش، زمہ واری یو بی اے ءَ منّ اِتگ

گورکادان ءَ زورگیریں پاکستانی پوج ءِ گشتی ٹولی ءِ گاڑی ءِ سر ءَ کسان ءُ مزنیں سلاھانی گون ءَ اُرش کتگ ءُ تاوان داتگ – مزار بلوچ

سربوتگیں ھالانی رِد ءَ گوستگیں روچ ءَ چار شمبے ءَ تمپ ءِ دمگ زامران ءَ ناشناسیں سلاہ بندیں مردماں پاکستانی پوج ءِ سر ءَ اُرش کُتگ – اُرش زامران ءِ دمگ گورکادان ءَ کنگ بوتگ کہ سلاہ بندیں مردماں پاکستانی پوج ءِ راہ بستگ ءُ آھانی سر ءَ اُرش کُتگ، چہ اُرش ءَ پاکستانی پوج ءَ جانی ءُ مالی تاوان رس اتگ –

دومی نیمگ ءَ بلوچ آجوئی لوٹوکیں سلاہ بندیں گل یونائیٹڈ بلوچ آرمی ءِ جارکش مزار بلوچ ءَ رسانکدراں وتی شنگ کرتگیں درشان ءِ تہ ءَ گوشتگ کہ مئے سرمچاراں مروچی بیگاہ ءِ ادار پنچ ءَ تمپ ءِ دمگ زامران گورکادان ءَ زورگپتیں پاکستانی پوج ءِ گشتی ٹولی ءِ گاڑی ءِ سر ءَ کسان ءُ مزنیں سلاھانی گون ءَ اُرش کتگ، اُرش ءِ آ سر ءَ زورگیریں پوج ءِ گشتی ٹولی ءَ جانی ءُ مالی تاوان بوتگ –

گڈسر ءَ جارکش ءَ گوشتگ کہ بلوچستان ءِ آجوئی ءَ داں مئے اُرش برجاہ بنت-