ماتی زبان ءِ میان اُستمانی روچ بلوچی ءُ براہوہی- بکتیار رھیم بلوچ

نبشتانک: ماتی زبان ءِ میان اُستمانی روچ بلوچی ءُ براہوہی

نبشتہ کار: بکتیار رھیم بلوچ

دی بلوچستان پوسٹ

انچش ما زان ایں مروچی 21 فروری ءِ روچ ءَ سرجمیں دگنیا ماتی زبان ءِ میان اُستمانی روچ ءَ برجم دارگ ءِ انت پمیشکہ مارا ھم مروچی ئیں روچ پہ وتی شھدیں بلوچی ءُ براہوئی ءَ پہ ندر کنگی انت-

دگنیا ءِ تہ ءَ ہرچ راج ءَ را یک ماتی زبانے است انت ماتی زبان راجی مڈی انت انچش کہ مئے مستریں آں ماتی زبان گار ءُ بیگواہ بیگ ءَ نیشت ءَ بہ ما سر کت ءَ ۔انچش مارا لوٹ ایت کہ ما ھم وتی راجی دوئیں شھدیں زبان بلوچی ءُ براہوئی بوان انت ءُ نبیس انت تانکہ مئے زبان گار ءُ بیگواہ مہ بیت مئے آوکیں پد ریچ ءَ رسینگ بہ بیت اگاں ما وتی ماتی زبان ءِ پرواہ ءَ نہ دار انت گڑان مئے زبان گار بیت مئے آوکیں پدریچ مجبور بیت دری راجانی زبان ءَ نبیس ایت ءُ وان ایت ۔

انچش ما سر پد انت دگنیا تھا ہزار آں زبان گار بیگواہ کنگ بوت ءَ بازیں زبان کپْی ءُ چنڈی بوتگ انت ہما کپی چنڈی ئیں زبانانی تہ ءَ مئے بلوچی ءُ براہوئی ھوار انت مروچی مئے راج ءِ واستا اے جیڑگی گپ ئِے کہ مئے کوم چی ءَ دری زبانانی وانگ ءُ نبیسگ ءَ اِنت مئے وتی راجی زبان وت وشنما دار انت ۔

بلے ماں زان ایں مئے راج بھر کنگ بوت ءَ پمیشکہ مئے وتی جند ءِ نابودی نا تپاکی ءَ مئے زبان مروچی گار بیگ ءَ اتک ءَ رس اِتگ-

اگاں ما مروچی ایں روچ ءَ پیچار آں مئے بلوچ کوم ءِ کچ دگنیا تھا دو کروڑ ءَ چہ گیش بیت مارا جیڑگی انت چئے ؟ دو کروڑ چہ گیش بلوچ سرجمیں دگنیا تھا نشت ءَ آ بلوچی ءُ براہوئی ءَ گپ جت کت کن انت یا بلوچی ءُ براہوئی نبیس ات کت کن انت ؟-

زبان ءِ مستریں گار بیگ ءِ وجہ وتی ڈیھ ءِ یل کنگ دری ڈیھ ءُ جھمند بیگ انت ہمے وڑ ءَ ما زان انت مروچی سندھ ءَ بگر تان پنجاب ءَ بازیں بلوچ ءِ جھمنند انت اگاں آھان ءَ سوج کن شما چئے کوم ات آ وت ءَ بلوچ گش انت بھلے بلوچی ءُ براہوئی ءَ کت ءُ پھم ات کت نہ کن انت ۔

مروچی آ پمے گپ ءَ ھچ میاریگ بوت کت نہ کن انت پرچہ ما دراہ راج میاریگ بیگ پرچہ آھانی ڈیھ ءِ یلہ دیگ مئے کوم ءِ گوستگ ایں قبائلی جیڑہ ءُ نا تپاکی ءُ گلامی انت اے کسور مئے سرجمیں راج ءِ انت مروچی ماتی زبان میان اُستمانی روچ ءَ ما اے ما چار این مئے زبان پرچہ چش انت بلکہ مارا ہمے چارگ لوٹ ایت ما چئے بہ کن انت ما وتی زبان ءَ چہ گار بیگ ءَ رکت کت کن انت۔ پر چہ کہ ما زاں آں مئے زبان ءِ گار بیگ ءِ سبب چی انت ۔

مروچی مئے وانگ جاھاں وتی زبان ءِ وانگی کتاب وانینگ نہ بیت اِنت مئے گونڈو وتی زبان ءَ بنکی وانگ ءَ ہچ بر پھم ات کت نہ کن انت پمشکہ مارا لوگ ءَ الم وتی ماتی زبان بلوچی ءَ تران کنگ لوٹ ایت اگاں ما لوگ ءَ دری زبان ءَ تران بہ کن انت ۔مئے چک وانگ جاہ ءَ دری زبان ءَ بوان انت بہ نبیس انت ،سوشل میڈیا ءُ الیکڑان میڈیا ءَ دری زبان ءَ گوش بہ دار انت گڑان مئے شھدیں زبانانی گار بیگ دروگ ئے نہ بیت مئے دومی مستریں جیڑہ ہمیش انت چا ہما پندل آں ما وت ءَ وتی آوکین پدریچ ءَ ھُژار بہ کن انت مئے زبان گار بیگ ءَ ھور بھر ءُ بانگ کنگ بیت-

انچش کہ ما زان ایں چیزے راج دوست وت ءَ زبان دوست کنت بلوچی جتا ءُ براہوئی ءَ جتا کوم سمج انت ءُ نبیس انت بلے اے وڑ ءَ الم نہ انت بلے مئے راج یکے ءُ مئے راج ءِ زبان بلوچی براہوئی انت مئے وتن ، دود ربیدگ یکے انت ۔

بلوچی ءُ براہوئی زندگ بات اَنت-

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کارے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔