دوازدہ فروری دوھزار ءُ بیست ءُ یک ءَ بلوچستان ءِ تیاب دپی دمگ گوادر ءَ گال ءِ جنرل باڈی ءُ کابینہ ءِ گچین کاری برجاہ دارگ بوتگ- اے مراگش ءِ تہ ءَ گال ءِ گیشتریں باسک ھوار بوتگ انت ءُ مراگش ءَ گوادر اکیڈمی آف لیٹریچر گچین کاری کنگ بوتگ – جنرل باڈی ءِ تہ ءَ گوں تپاکی ءَ کابینہ گچین کنگ بوتگ-
کابینہ اگدہ دار بلوچستان یونیورسٹی بلوچی ڈیپارٹمنٹ ءِ کماش ڈاکٹر رحیم مھر کارمستر، بلوچستان یونیورسٹی بلوچی ڈیپارٹمنٹ ءِ پروفیسر بلوچی لیٹریچر ءِ زانتکار اے آر دادکمک کارمستر، ایڈوکیٹ منیر کلانچی کارگشاد، برکھا بلوچ کمک کارگشاد، رفیق راھی شنگکار ءُ اسلم تگرانی ھسابدار ءَ گچین کنگ بوتگ انت-
ھمے پیم ءَ بست ءُ بندی باڈی ھم گچین کاری کنگ بوتگ اَنت آئی ءِ تہ ءَ چندن ساچ ،عالم سیف ،امجد زدگ ، جمیل بلوچ ، ھیبتان بلوچ ، عارف ازمل ، شاہ میر دیدگ گچین کنگ بوتگ انت – اے کابینہ ءُ بست ءُ بندی باڈی پہ سَے سال ءِ ھاترا گچین کنگ بوتگ انت۔ اے جنرل باڈی ءَ گال بزاں گوادر اکیڈمی آف لیٹریچر ءِ کار رھبند ءُ دیمتری کارانی ھاترا گپ ءُ تْران بوتگ ءُ شور کنگ بوتگ کہ گال بلوچی رم ءُ ردانک ءُ ھاس کسّھی لبزانک ءِ دیمروی ءَ پہ کار کنت-