کلات: سلاہ بندیں مردمانی تیرگواری ءَ پنجاپ ءِ جھمنندیں سَے کس بیران، یکے زدگ

بلوچستان ءِ دمگ کلات ءَ سلاہ بندیں مردمانی تیرگواری ءَ سَے کس بیران بیتگ اَنت، کہ ،آیانی سیادی پنجاب ءِ گوشگ بیگ ءَ اِنت –

تیرگواری ءِ وئیل منگچر ءِ دمگ خراسانی ءَ گوستگیں شپ ءَ پیش اتکگ کہ اود ءَ سلاہ بندیں مردماں ٹیوب ویل مشینریاں کار کنوکیں مردمانی سر ءَ اُرش کرتگ، کُشتگیں مردمانی سیادی پنجاب ءِ دمگ رحیم یار خان ءَ اِنت –

لیویز بنشون ءِ رد ءَ وئیل شپ ءِ ساھت دو ءَ پیش اتکگ – وئیل ءَ پد اُرشکار تچگ ءُ روگ ءَ سوبمند بیتگ اَنت ءُ لشکر ءَ دمگ انگر ءَ کرتگ ءُ اُرشکارانی پَٹ ءُ پول بندات کرتگ –