کراچی ءَ بیگواھیں مردمانی ھاتر ءَ زھرشانی برجاہ

دوازدہ سالاں پُرایمنیں جد ءُ جھد ءَ دیمروئی کنگ ءَ جھندم ما بھر ءُ بانگی ءِ آماچ بوتگ انت مروچی راستی ھمیش انت کہ بلوچ راج وتی پُرایمنیں جد ءُ جھد ءَ وانکی ءِ آماچ بوان انت – ماما قدیر بلوچ

سندھ ءِ مزن شھر کراچی ءَ وائس فار بلوچ مسنگ پرسنز ءِ زھرشانی بنجل کراچی پریس کلب ءِ دیم ءَ برجاہ، زھرشانی بنجل ءَ مروچی چار ھزار ءُ دوسد ءُ شش روچ سرجم بوتگ –
جئے سندھ متھدہ مھاز ءِ گوستگیں جنرل سیکٹری الھی بخش بکک، سنٹرل کمیٹی ءِ باسک ایڈوکٹ عاقب راجپر ءُ نعیم کوسہ ءَ بنجل ءِ تر ءُ تاب کرتگ بیگواھیں مردمانی کھولانی گون ءَ دلپدردی درشان اتگ –

وائس فار بلوچ مسنگ پرسنز ءِ رھشون ماما قدیر بلوچ ءَ اتکگیں مردمانی میان ءَ تران کنان ءَ گوشتگ کہ مروچی اے گپ چو روچ ءِ رژن ءَ پدر بوتگ کہ انسانیت ءِ مزن کرداں کسے ھم لگتمال کرت نہ کنت، زورگپتانی زلم ءُ زوراکی برجاہ مان انت بلے زوراکانی ھر وڑ ءُ پیم زوراکی ءِ مرگ ءَ نزیکتر کنت –

آئی ءِ گوشگ ات کہ بلوچ ءُ سندیانی ھون پُراں نہ ریچ اَنت بلکیں دمگ ءِ سبزگی ءِ تہ ءَ ساٹیتگیں جاور ھال کار اَنت ءُ بلوچستان ءَ لشکر کشی ءُ بلوچ پرزندانی آوار جنی توجہ دیگی انت گلانی سر ءَ نون پیش ءَ چہ گیشتر زمہ داری بنت آھاں وتی پرایمنیں جد ءُ جھد پرز شریں وڑے ءَ پیلو کنگی انت آئی ءِ واستا درسیں ٹولی، زاتی ءُ مردمی پوست ءَ چہ درآیگی انت راستیگیں ءُ سائینسی وڑ ءُ ڈول ءَ دنیا ءِ دیم ءَ بلوچ راج ءِ جست ایرکنگی انت –

ماما قدیر بلوچ ءِ گوشگ ات کہ دوازدہ سالاں پُرایمنیں جد ءُ جھد ءَ دیمروئی کنگ ءَ جھندم ما بھر ءُ بانگی آماچ بوتگ انت مروچی راستی ھمیش انت کہ بلوچ راج وتی پُرایمنیں جد ءُ جھد ءَ وانکی ءِ آماچ بوان انت –

آئی ءَ گڈسر ءَ گوشتگ کہ آوکیں روچاں دمگ ءِ تہ ءَ بازیں بدلی بنت پاکستان ءِ ریاست ھاسکر آئی ءِ ھاکم دنیگت ءَ تاں سامراجی ڈیھانی لاڈوک انت –