روکپتی بلوچستان ءَ یک جون ءِ دزکپتگ

دزکپتگیں مردم ءِ جون دشتیاری ءَ ناشناسیں مردماں آوار جتگ ءُ برتگ –

سر بیتگیں ھالانی رد ءَ روکپتی بلوچستان ءِ دشتیاری ءَ یک جون ءِ دزکپتگ، جون ءِ پجار جلیل جاموزئی ءِ نام ءَ زانگ بیتگ –

اھوالکار ءِ رد ءَ جلیل گوستگیں چار روچاں ناشناسیں مردماں گوں ھمراہ ءِ گاڑی ءَ آوار جتگ ءُ برتگ کہ گوستگیں روچ ءَ آئی ءِ جون دشتیاری ءِ ھند ھورکی کور ءَ دزکپتگ –

اھوالکار ءِ رد ءَ جلیل ءِ گاڑی ھم ماندارگ بیتگ ءُ پد ءَ آ کُشگ بیتگ ءُ آئی ءِ جون چگل دیگ بیتگ –

اھوالکار ءِ رد ءَ جون ءِ دمگ ءِ پھزداراں چِست کرتگ ءُ نادراہ جاہ ءَ سر کرتگ ءُ کوشکارانی پَٹ ءُ پول بندات کرتگ –

اھوالکار ءِ رد ءَ پولیس ءَ شکی ءِ سر ءَ جلیل ءِ کوش ءِ پژدر ءَ یک مردمے دزگیر کرتگ ءُ برتگ بلے تنی وھدی گپتگیں مردم ءِ نام پولیس ءَ پدر نہ کرتگ ءُ جلیل ءِ آوار جنگ ءُ کوش ءِ درگت ءَ گیشیں سرپدی نہ بیتگ اَنت –

اھوالکار ءِ رد ءَ روکپتی بلوچستان ءَ وھد وھد ءِ سر ءَ مردمانی آوار جنگ ءُ تیر جنگ ءُ کُشگانی وئیل دیم ءَ آیگ ءَ اَنت ءُ گیشتریں کوشاں دمگی مردم سرکار ءِ نیمگ ءَ سلاہ بندیں مردمانی سر ءَ بھتام جنگ ءَ اَنت –