کریمہ بلوچ ءِ کل ءُ کسارت بیست ءُ پنچ جنوری ءَ تمپ بلوچستان ءَ بیت اِنت – کھول

دی بلوچستان پوسٹ

کریمہ بلوچ ءِ کَل ءُ کسارت آئی ءِ بنکی ھنکین تمپ ءَ کنگ بیت اِنت –

کریمہ بلوچ ءِ کھول ءِ گوشگ اِنت کہ کریمہ بلوچ ءِ کَل ءُ کسارات آئی ءِ بنکی ھنکین تمپ ءَ بیست ءُ پنچ جنوری دوشمبے ءِ نیمروچ ءَ کنگ بیت اِنت -آیاں دیمتر ءَ گوشت کہ کریمہ بلوچ ءِ جون چہ کینیڈا ءَ کراچی ءَ آرگ بیگ ءَ اِنت اود ءَ آئی ءِ کھول جون ءَ بلوچستان ءَ آرگ ءَ اَنت –

نامی ئیں بلوچ زالبول رھشون ءُ بلوچ اسٹوڈنٹس آرگنائزیشن آزاد ءِ گوستگیں سروک کریمہ بلوچ گوستگیں سال ءِ دسمبر ءِ بیست رمس ءَ کینیڈا ءِ شھر ٹورنٹو ءَ ناگتی بیگواہ بیتگ ءُ دومی روچ ءَ یک کورے ءِ تہ ءَ آئی ءِ جون دزکپگ ءَ بلوچستان ءَ ھوار بازیں ڈیھاں زھرشانی ءُ روانک کشگ بیتگ اَنت –

گوستگیں روچ ءَ چاگردی رسانکجاھاں بلوچ یکجھتی کمیٹی ءِ نیمگ ءَ ھمے درگت ءَ کیمپئن ءِ کارمرد کنگ بیتگ کہ پاکستان ءَ درستاں سربر بیتگ –

کریمہ بلوچ ءِ ناگتی کوش ءَ بلوچ راجدوست ءُ بازیں انسانی ھکانی ادارھاں ریاستی کوش گوشتگ – آئی ءِ لوگواجہ ءُ بلوچ نیشنل مومنٹ ءِ رھشون ھمل ھیدر ءَ ھم کینیڈین پولیس ءِ پَٹ ءُ پول ءِ سر ءَ وتی ھیال درشان کرتگ اَنت –