روکپتی بلوچستان ءَ تیرگواری، سَے مردم بیران بیتگ اَنت

دی بلوچستان پوسٹ

سربیتگیں ھالانی رد ءَ روکپتی بلوچستان ءَ ناشناسیں مردمانی تیرگواری ءَ دو نیزگاراں ھوار سَے مردم بیران بیتگ اَنت –

گیشیں ھالانی رد ءَ روکپتی بلوچستان ءِ دمگ فنوچ ءَ ناشناسیں مردمانی تیرگواری ءَ مستپا خالدی، مھمد جلیل خالدی ءَ موسا بلوچ لاشاری بیران بیتگ اَنت –

اھوالکار ءِ رد ءَ مستپا ءُ مھمد جلیل ایران ءِ اُستان لرستان ءِ جھمنند اَنت کہ فنوچ ءَ نیزگاری ءَ اَتکگ اَنت ءُ کار ءَ بیتگ اَنت –

ارشکاراں ھما وھد ءَ اشانی سر ءَ تیرگواری کرتگ کہ فنوچ ءَ بانبندی ءِ کار ءَ بیتگ اَنت ءُ تیرگواری اش کرتگ ءُ کشتگ انت ئِے –

روکپتی بلوچستان ءَ ھروھد ءَ تیرگواریانی وئیل دیم ءَ آیگ اَنت، لس مردمانی گوشگ اِنت کہ تیرگواری کنوکاں ایرانی چیریں ادارھاں سلاہ داتگ ءُ مھار گُٹ ءُ داتگ اَنت، اے تیرگواری ءُ کوشانی سوب تنی وھدی زانگ نہ بیتگ اَنت –