نصیر آباد ءَ تیرگواری ءَ دو مردم بیران، دالبندین ءَ جونے دزکپتگ

دی بلوچستان پوسٹ

سر بیتگیں ھالانی رد ءَ بلوچستان ءِ دمگ نصیر آباد ءَ ناشناسیں مردمانی تیرگواری ءَ دو مردم بیران بیتگ اَنت –

پولیس بنشون ءِ رد ءَ ناشناسیں مردماں پولیس ءِ کارگس ءِ نزیک ءَ کچھی پل ءَ ناشناسیں مردماں تیرگوار کرتگ ءُ مھمد اختر ءُ عبدالستار بیران بیتگ اَنت –

پولیس ءَ جون چِست کرتگ نادراہ جاہ ءَ سر کرتگ اَنت، اود ءَ اژدری چار ءُ ٹپاس ءَ پد جون کھولانی گور ءَ سر کنگ بیتگ اَنت ءُ گیشیں پَٹ ءُ پول برجاہ اِنت –

ھمے وڑ ءَ بلوچستان ءِ دمگ دالبندین ءَ یک جونے دزکپتگ، جون بیگواھیں مردمے ءِ بیتگ –

گیشیں ھالانی رد ءَ چار ماہ پیسر بیگواہ بیتگیں اللہ داد ء عبدالرحمن جھمنندکلگ مینڈوکی ءِ ھڈ سوران ءِ ھند ءَ دزکپتگ اَنت –

کیو آر ایف ءِ لشکر ءِ کماندار کریم جان نوتیزی ءِ سروکی ءَ پھزدار جون ءِ جاہ ءَ شتگ اَنت اود ءَ آیاں جون چِست کرتگ ءُ نادراہ جاہ ءَ برتگ –

جون ءِ گوشت ھلاس بیتگ ءُ ھُشکیں ھڈ پَشکپتگ اَنت –