کھنوج ءَ تیرگواری یک مردمے بیران

دی بلوچستان پوسٹ

سر بیتگیں ھالانی رد ءَ ایران ءِ اُستان کرمان ءَ ناشناسیں مردمانی تیرگواری ءَ یک مردمے بیران بیتگ –

اھوالکار ءِ رد ءَ گوستگیں شپ ءَ روکپتی بلوچستان ءَ سیمسر ءَ ھواریں دمگ کھنوج ءَ ناشناسیں مردماں تیرگوار کرتگ ءُ کاظم پاین کُشتگ –

اھوالکار ءِ رد ءَ کاظم پاین ءِ سر ءَ گوستگیں شپ ءَ تیرگواری کنگ بیتگ ءُ چریشی ءَ آ زدگ بیتگ، زدگیں جاوراں آئی ءَ نادراہ جاہ ءَ برگ ءَبیتگ اَنت کہ راہ ءِ نیمگور ءَ آئی ءَ ساہ داتگ اَنت –

اھوالکار ءِ رد ءَ کاظم پاین گوازی کارے بیتگ کہ آئی ءَ دمگ ءِ تہ ءَ گوازی ءِ پِڑ ءَ آئی ءَ جوانیں نامے ھم بیتگ –

اھوالکار ءِ رد ءَ کھنوج ءَ نندوکیں مردم بلوچ اَنت کہ آ انی ایران ءِ اُستان کرمان ءِ بھر اِنت –

اھوالکار ءِ رد ءَ یک ماھے ءَ پیسر روکپتی بلوچستان ءِ بنجاھی شھر دزاپ ءَ ھم ناشناسیں سلاہ بندیں مردماں یک گوازی کنوکیں مردمے کُشتگ –

اھوالکار ءِ رد ءَ دَہ سال بیت کہ بلوچستان ءَ پھزداری سپاہ ارگان ءَ دیگ بیتگ ءُ ھما اِنت کہ بلوچستان ءَ کُشت ءُ کوشانی تہ ءَ گیشی اتکگ اَنت –