بلوچستان: شال ءَ ناشناساں یک ورنایے آوار جتگ ءُ برتگ

دی بلوچستان پوسٹ

سربتگیں ھالانی رِد ءَ بلوچستان ءِ بنجاھی شھر شال ءَ ورناہے بیگواہ کنگ بوتگ، بیگواہ بیتگیں ورنا ءِ پجار بالاچ ہجوانی جھمنند اوستہ محمد ءِ نام ءَ چہ بوتگ کہ شال ءِ دمگ ھزار گنجی ءَ چہ بیگواہ کنگ بوتگ –

بالاچ سیاسی ءُ چاگردی رھشون خان محمد خان ہجوانی ءِ وارس انت –

بالاچ ءِ بیگواھی ءِ درگت ءَ خان محمد خان ءَ گوشتگ کہ منی وارس بالاچ چہ شال ھزار گنجی ءَ چہ بیگواہ انت مارا شک انت کہ آ آوار جنگ ءُ بیگواہ کنگ بوتگ –

آئی ءَ دیمتر ءَ گوشتگ کہ مئے دمگ ءِ تہ ءَ پیش ءَ دھشت داریں حاجی میر ظفر اللہ خان جمالی ءِ دست مئے سر ءَ ایر بوتگ، بلے چاکہ آ بیران بوتگ مئے ورنایانی آوار جنی ءُ بیگواھی برجاہ انت –

آئی ءَ گوشتگ کہ ھر کس ءَ مئے ورنا آوار جتگ مارا ھال بہ کنت ءُ شال ءِ پولیس ءَ ھم دنیگت ءَ ھچ نہ کرتگ –

آئی ءَ چہ آئی جی ایف سی بلوچستان ءُ ڈی آئی جی شال ءُ پھزداریں ادارھاں چہ لوٹ کتگ کہ آ بالاچ ءَ یل بہ کنائین انت –