اوستہ محمد ءَ تیرگواری ءَ مردمے بیران

دی بلوچستان پوسٹ

سربوتگیں ھالانی رِد ءَ اوستہ محمد ءَ سدر پولیس کارگس ءِ نزیک ءَ ناشناسیں مردمانی تیر گواری ءَ یک مردمے بیران بوتگ –

گیشیں ھالانی رد ءَ مروچی ناشناسیں مردماں کرتگ ءُ گل ھسن آبڑو ءِ جھمنند فقیر آباد کُشتگ کہ دیم پہ گٹ ءَ رؤگ ءَ بوتگ –

کُشندہ تچگ ءُ رؤگ ءَ سوبین بوتگ انت دمگی پولیس ءَ جون چِست کرتگ ءُ نادراہ جاہ سر کرتگ ءُ اود ءَ اژدری چار ءُ ٹپاس ءَ پد جون کھول ءِ گور ءَ سر کنگ بیتگ –

بلوچستان ءَ بازیں ھنداں تیرگواری ءُ مردمانی کوشانی ھال یکشل ءَ آیگ ءَ اَنت- مروچی بیتگیں کوش ءِ سوب زانگ نہ بیتگ –