دی بلوچستان پوسٹ
کیچ ءِ دمگ تمپ کوھاڈ ءَ پاکستانی پوج ءَ بیڑ برتگ ءُ دو مردم آوار جتگ گوں وت برتگ اَنت –
سربوتگیں ھالانی رِد ءَ گوستگیں شپ ءَ تمپ ءِ دمگ کوھاڈ ءَ پاکستانی پوج ءَ یک لوگے بیڑ برتگ ءُ دو مردم جتگ گوں وت برتگ-
آوارجنگ بوتگیں مردمانی پجار شیرجان ء تاج محمد ءُ عثمان ءِ نام ءَ چہ بوتگ انت –
اھوالکار ءِ رِد ءَ پاکستانی پوج ءَ دمگی کمکار ھم گون بوتگ انت ءُ مردمانی لوگ اش پٹ ءُ پول کرتگ انت چک ءُ زالبول ھم بیھار ءُ لٹ ءُ کٹ اش کرتگ اَنت –
بلوچستان ءِ سیاسی مردمانی گوشگ اِنت کہ پاکستانی چیرین ادارھانی نیمگ ءَ جوڑ کرتگیں ڈیتھ اسکواڈ دمگاں دُزی ءُ لس بلوچانی سر ءَ زوراکیاں ھوار اَنت ءُ بلوچستان ءَ بازیں مردمانی آوار جنگ ءَ ڈیتھ اسکواڈ تچکی ءَ ھوار اَنت-
زانگ بہ بیت تمپ ءَ ھوار بلوچستان ءِ جتا جتائیں دمگاں پاکستانی پوج ءِ لشکر کشی چکچینیانی رِد یکشل ءَ برجاہ انت – بازیں مردمے زورانسری اوار جنگ بیگواہ کنگ بوتگ، آھانی تہ ءَ گیشیں کچ بلوچ ورنا ءُ نودربرانی ئیگ انت –