روکپتی بلوچستان ءَ دو جتائیں تیرگواری وئیلاں سَے مردم بیران ھپت زدگ

دی بلوچستان پوسٹ

سر بیتگیں ھالانی رد ءَ روکپتی بلوچستان ءِ دمگ پھرہ “ایرانشھر ” ءَ دو ٹکانی میان ءَ جنگ ءُ چوپ بیتگ کہ چریشی ءَ یک مردمے بیران بیتگ ءُ ھپت زدگ بیتگ اَنت –

اھوالکار ءِ رد ءَ پھرہ ءَ دو ٹکانی میان ءَ جنگ ءُ چوپ بیتگ کہ چریشی ءَ یک مردمے بیران ءُ ھپت زدگ بیتگ اَنت –

بیران بیتگیں مردم ءِ پجار روزبھ عمرزئی ء ھاجی نازر ءِ نام ءَ پجارگ بیتگ، زدگ بیتگیں مردمانی تہ ءَ دو اوگستان ءِ نندوک اَنت –

وئیل ءَ پد زدگ بیتگیں مردم ھاتم نادراہ جاہ پھرہ ءَ برگ بیتگ اَنت –

اھوالکار ءِ رد ءَ پھرہ ءَ دگہ تیرگواری وئیلے ءَ دو مردم بیران بیتگ اَنت –

گیشیں ھالانی رد ءَ گوستگیں روچ ءَ پھرہ ءَ دو مردمانی میان ءَ جنگ ءُ چوپ بیتگ کہ چریشی ءَ دو مردم بیران بیتگ اَنت-

بیران بیتگیں مردم ءِ پجار سعید عمرزئی ءِ نام ءَ زانگ بیتگ ءُ دومی ءِ پجار نہ بوتگ –

روکپتی بلوچستان ءَ ھمک وھد تیرگواریانی ھال سر بیگ ءَ اَنت کہ چریشی ءَ بازیں مردمے زدگ ءُ بیران بیگ ءَ اَنت –

چاگردی مردمانی رد ءَ ایران ءِ پاسدار لس مردماں سلاہ بند کنگ ءُ روچ ءِ رھمانی گوں سلاھاں ترگ ءُ چریشی ءِ سوب ءَ لس مردم وت ماں وتی جنگ ءُ چوپاں تاوانبار بیگ ءَ اَنت –