سوراب ءَ پِت ھمراھے چُک ءَ پاکستانی پوج ءِ دست ءَ بیگواہ

دی بلوچستان پوسٹ

ٹی بی پی پتر ءَ سربیتگیں ھالانی رِد ءَ بلوچستان ءِ دمگ سوراب ءَ پاکستانی پوج ءَ لھتے روچ پیسر بیڑ برتگ ءُ محمد شریف زورانسری آوار جتگ بیگواہ کتگ – گوستگیں روچ ءَ پاکستانی پوج ءَ آئی دکان ءَ بیڑ برتگ ءُ محمد شریف ءِ زھگ سمیع اللہ ھم آوار جتگ گوں وت برتگ –

دمگی مردمانی رِد ءَ گوستگیں روچ ءَ پاکستانی پوج ءَ سوراب ءِ بازیں دمگانی راہ ءُ در بستگ انت مھلوک بازیں اداراں داشتگ انت –

زانگ بہ بیت سوراب ءَ ھوار بلوچستان ءِ بازیں دمگاں پاکستانی پوج ءُ چیریں ادارھانی نیمگ ءَ مردمانی آوار جنی ءِ ھال پیداک اَنت-

دومی نیمگ ءَ بیگواھیں مردمانی یل کنائینگے ھاتر ءَ شال ءُ کراچی ءَ گوستگیں یک دھکے ءَ پرایمنیں زھرشانی ماما قدیر بلوچ ءُ نصراللہ بلوچ ءِ سرکماشی ءَ برجاہ انت –