روکپتی بلوچستان ءَ ھشتاد ءُ یک مردم کرونا وائرس ءِ آماچ

سرکاری کَچ ءُ کساساں روکپتی بلوچستان ءَ کورونا نادراھی ءَ گپتگیں مردمانی کَچ بیست ءُ شش ھزار ءُ چار سد ءُ چارد مردماں سر بیتگ اَنت –

سر بیتگیں ھالانی رد ءَ روکپتی بلوچستان ءَ کورونا وائرس ءِ نادراھی ءَ دگہ ھشتاد ءُ یک مردم گورجتگ کہ روکپتی بلوچستان ءِبازیں جاھاں پدر بیتگ اَنت –

دُزاپ ءِ شھدربرجاہ ءِ پروفیسر ڈاکٹر مھمد ھاشمی شھری ءَ رسانکدراں گوں گوشتگ کہ داں انیگ ءَ یک سد ءُ چِل نادراھانی جاور نگیگ اَنت کہ آیانی نپس پُر نہ بیگ ءَ اَنت –

پروفیسر ڈاکٹر مھمد ھاشمی شھری ءَ گوشتگ کہ سیستان ءُ بلوچستان ءِ بازیں ھند ءُ جاھاں نادراھاں کورونا وائرس ءَ گپتگیں نادراہ ڈپ اِتگ ءُ آیانی جاندراھی بیگ ءَ اِنت –

پروفیسر ڈاکٹر مھمد ھاشمی شھری ءَ گوشت کہ نادراھانی کچ گیش بلے نادراہ جاھاں آسراتی کم اَنت –

ڈاکٹر مھمد ھاشمی شھری ءَ گوشت: گوستگیں روچ ءَ کرونا نادراھی ءَ دو مردم بیران بیتگ اَنت –

کرونا وائرس ءَ بیران بیتگیں مردمانی کَچ یازدہ سد ءُ دَہ ءَ سر بیتگ اَنت –