سبی ءَ بند ءُ ساچی شرکت ءِ سر ءَ اُرش، اُرش ءِ زمہ واری بی آر جی ءَ منّتگ-

دی بلوچستان پوسٹ

ما پیش ءَ ھم دمگی مردم مکن کُرتگ انت کہ ھستیں کمپنیاں چہ گِستا بہ بہ اِت- دوستین بلوچ

سربوتگیں ھالانی رِد ءَ مروچی سبی ءِ نزیک ءَ کڑک دگ ءَ ناگڑی ءَ ناشُناسیں مردماں بند ءُ ساچی شرکت ءِ مشینری تراک ناکیں شوروانی نشانگ کرتگ اَنت – اُرش ءَ جانی ءُ مالی تاوان ھال انت –
دومی نیمگ ءَ بلوچ سلاہ بندیں گل بلوچ ریپبلکن گارڈ ءِ جارکش دوستین بلوچ ءَ رسانکدراں وتی شنگ کرتگیں درشان ءِ تہ ءَ اے اُرش ءِ زمّہ واری منّ اِتگ ءُ گوشتگ کہ مئے سرمچاراں مروچی سبی ءِ نزیک ءَ کڑک دگ ءَ ناگڑی پیر ءَ برجاھیں کار ءِ میان ءَ یک مشینے ءِ “ایکسی ویٹر ” ریموٹ کنٹرول تراک ناکیں شوروانی نشانگ کُتگ – چریشی ءَ آئی ءِ ڈریور ٹپی بوتگ وھدیکہ گاڑی سرجمی ءَ تباہ بوتگ –

جارکش دوستین بلوچ ءَ گوشتگ کہ ما دمگی مردماں تاوان دیگ ءَ پھریزگ انت بلے اگاں آ مدامی مکن کنگ ءَ ابید سامراجی لٹ ءُ پُل ءَ ھوار بوت کار کنگ ءَ ساڑی بوت انت گڑا آھانی نشانگ کنگ ءَ چک ءُ پد نہ بہ ایں –

آئی ءَ گوشتگ کہ آجوئیں بلوچستان ءَ تاں مئے جد ءُ جھد برجاہ مان انت –