دی بلوچستان پوسٹ
پنجگور ءِ کوھی دمگ ءَ پاکستانی پوج ءُ سلاہ بندیں مردمانی نیام ءَ گوستگیں روچ ءَ دو بج ءِ وھد ءَ چہ بندات بیتگیں ھونی ئیں جنگ داں انگت برجاہ اِنت۔
سربیتگیں ھالانی ردءَ پنجگور ءِ ھنکین سیاہ لک ءِ ھند ءَ گوستگیں روچ ءَ بندات بیتگیں جنگے تہ ءَ داں انگت ناسرجمیں ھالانی ردءَ دوھیں نیمگ ءَ جانی تاوانانی ھال اِنت۔
اھولانی ردءَ اے جنگ ءَ پاکستانی پوج ءِ ھواری ءَ استانی ڈیتھ اسکواڈ ءِ کارمند ھم ھوار اَنت وھدے کہ زمینی پوج ءَ گن شپ ھیلی کاپٹرانی ھم کمک گون اِنت۔
گوستگیں روچ ءَ پوج ءِ بنشون (آئی ایس پی آر) ءَ جنگ ءِ راستی منان ءَ یک پوجی سپاھیگ حوالدار شعیب ءِ مرگ ءِ گپ راست کُتگ اَت ءُ ھوار ٹاہ داتگ اَت کہ یک سلاہ بندیں مردے جنگ بیتگ ءُ یکے دزگیر ھم بیتگ۔
نوکتریں ھالانی رد ءَ یک جونے پنجگور ءِ نادراہجاہ ءَ سر کنگ بیتگ۔