کراچی: بیگواھیں مردمانی واستا زھرشانی برجاہ

دی بلوچستان پوسٹ

سندھ ءِ بنجاھی شھر کراچی ءَ وائس فار بلوچ مسنگ پرسنز ءِ نیمگ ءَ پریس کلب ءِ دیم ءَ زھرشانی بنجل ءَ چار ھزار ءُ یک سد ءُ شست ءُ نُھ روچ سرجم بیتگ – چہ کراچی ءَ پروفیسر ریاض اھمد، چاگردی ترامکار نغمہ، وائس فار مسنگ پرسنز آف سندھ ءِ رھشون سسی لوھار ءُ دگہ مردماں بنجل ءِ تر ءُ تاب کرتگ ءُ پدردی درشان کرتگ –

ھمے وھد ءَ ماما قدیر بلوچ ءَ اتکگیں مردمانی گون ءَ تران کنان ءَ گْوشت ما پاکستان ءِ دست ءَ پدریچ کُشی ءِ آماچ اِنت، تہ ئِے ڈیھ ءَ لَکانی مردم پوجی زوراکیانی سوب ءَ در پہ در بیتگ اَنت بلوچاں تچک ءَ وتی ھیالانی درشان کنگ ترسینگ ءَ اَنت اے شور بندی دمگ ءَ ھون ءِجانشودی ءَ کنگ ءَ اِنت –

ماما قدیر ءَ دیمتر ءَ گْوشت پوج ءُ پاکستانی چیریں ادارہ بلوچستان ءَ بنیاد پرستیں اسلام ءِ نام ءِ سر ءَ ڈبہ دار اَنت – یک نیمگے ءَ مئے گپ ءُ مئے رھبندی پر ایمنیں جد ءُ جھد ءِ دلگوشی ءِ گِستا کنگ ءَ پرکار اَنت ءُ دومی نیمگ ءَ آ مئے پُرایمنیں جد ءُ جھد ءَ ھلاس کنگ ءَ کارمرد کنگ ءَ اَنت –

دومی نیمگ ءَ ماما قدیر بلوچ ءَ دگہ پرکاریں مردمانی ھمراھی ءَ کراچی ءَ بلوچ ھمپتی پتر ءِ نیمگ ءَ کریمہ بلوچ ءِ کوش ءِ ھلاپ ءَ زھرشانی پنتاک شنگ کرتگ اَنت –