نامی ئیں جھد کار ءُ بی ایس او آزاد ءِ گوستگیں چیرپرسن کریمہ بلوچ ءِ جون دزکپتگ

سر بیتگیں ھالانی رد ءَ کینڈا ءَ بلوچستان ءَ بندوکیں سیاسی جھدکار ءُ بی ایس او آزاد ءِ گوستگیں سرکماش کریمہ بلوچ ءِ جون مروچی کینیڈا ءِ شھر ٹورنٹو ءَ دزکپتگ –

دی بلوچستان پوسٹ

گیشیں ھالانی رد ءَ کریمہ بلوچ بیست دسمبر دوھزار ءُ بیست یکشمبے ءِ بیگاہ ءِ ساھت سَے ءَ بیگواہ بیتگ-

پولیس ءَ مردمانی کمک ءَ کریمہ ءِ جون آئی ءِ کھول ءِ گور ءَ پجار کنائینتگ –

کریمہ بلوچ دوھزار ءُ شانزدہ ءَ بی بی سی ءِ سد نامی ئیں گچین کرتگیں زالبولانی لڑ ءَ ھوار بیتگ ءُ آ گوست ءَ کینیڈا ءَ پہ میار بندی ءَ شتگ ءُ آئی ءَ جھانی تکاں بلوچستان ءِ توار چِست کرتگ –

زانگ بہ بیت ھمے سال ءِ مارچ ءَ میاربندی ءَ شتگیں بلوچ اھوالکار ساجد ھسین ھم سویڈن ءَ بیگواہ کنگ بیتگ ءُ پد ءَ آئی ءِ جون کورے ءَ دزکپتگ اَت ءُ ساجد ھسین ءِ سنگت ءُ مردمانی گوشگ اَت کہ آئی ءِ کوش ءِ سوب بلوچ اھوالکاری ءُ بلوچستان ءَ چیرتر اِتگیں ھالانی پدر کنگ ءَ پاکستانی چیریں اداراں آوار جتگ ءُ کُشتگ –

کریمہ ءِ کوش ءِ سوب چی اَنت چون کُشگ بیتگ اے درگت ءَ تنی وھدی سرجمیں ھال نیاتکگ اَنت –