شال: بیگواھیں مردمانی واستا زھرشانی برجاہ

دی بلوچستان پوسٹ

وائس فار بلوچ مسنگ پرسنز ءِ نیمگ ءَ شال ءِ پریس کلب ءِ دیم ءَ زھرشانی برجاہ، زھرشانی بنجل بنجل ءَ چار ھزار ءُ شست روچ سرجم – نیشنل پاٹی ءِ کلانیں رھشون میر عبدالغفار قمبرانی، بی ایس او پجار ءِ نال ھنکین ءِ سروک ءُ دگہ مردماں بنجل ءِ تر ءُ تاب کرتگ ءُ پدری درشان اِتگ –

وی بی ایم پی ءِ کسان کمک سرکماش ماما قدیر بلوچ ءَ ھمے وھد ءَ گْوشت کہ زیردستی، پُلگ ءُ ورگی، زوراکی ءِ گرمیں لھڑ ءُ ڈنی زورگرانی اسراں کپتگیں مھلوک، انسانی ٹولی، زیردستیں مردماں پُرایمنیں جد ءُ جھد ءَ ابید ناسرجم اِنت –

آئی ءَ گوشت کہ اے راجدپتر ءَ یک راستی ءِ کانود جوڑ بیتگ کہ زوراک ءِ لھڑیں گرم ءِ ھلاپ ءَ انسانی جد ءُ جھد ءِ ودی بیگ ناسرجمی اِنت – گیشتر اے وڑیں چاگرد ءُ راج کہ اود ءَ آجوئی ءِ بال ءُ تُشے ءِ رنگ ءَ زندگیں رھبر سُستیں رواج ءُ مجگی جیڑھانی دیمپان بہ بیت-

آئی ءَ گْوشت کہ پاکستانی ریاست ءِ نیمگ ءَ بلوچستان ءَ ھروھد ءَ رستری پوجی کاروائی گامگیج دیم ءَ آرگ بیتگ اَنت بلے آ درور ءَ سرجم ءَ بے سوب بیتگ اَنت – پاکستانی مزن واکاں اے بے رھمیں گامگیج ءِ ایر جنگ ءُ کردکارانی گرگ ءُ سزا دیگ ءِ دستبندی کرتگ بلے پاکستانی ھاکم اے بے رھمی ءِ رویش ءَ پشت مہ کنز اِتگ اَنت –

ماما قدیر بلوچ ءَ گْوشت کہ شھیدانی دیمونی ءَ بلوچ جد ءَ جھد بازیں گاماں دیم ءَ برگ مزنیں کردار پیلو کرتگ اَنت ءُ ھما کار آیاں زندگی ءَ سرجم کرت نہ کرتگ آیانی شھیدی ءَ پد سرجم بیتگ، شھیدانی روچ ءِ درگت ءَ آئی ءَ ستا شانی کرتگ ءُ آیانی روچ روچ ءِ ٹُل ءَ سرشانیں رژن ءِ رنگ ءِ گون ءَ دارگ ءِ ھژدری اِنت بلوچ شھیدانی کاروان گڈی منزل ءَ دارگ بہ بیت –