بندر عباس ءَ رؤکیں گاڑی دگ ءِ وئیل ءِ آماچ چار بیران، یکے زدگ

دی بلوچستان پوسٹ

سر بیتگیں ھالانی رد ءَ روکپتی بلوچستان ءَ یک گاڑی ءِ دگ ءِ وئیل ءِ آماچ بیتگ ءُ چریشی ءَ چار مردم بیران بیتگ اَنت ءُ یکے زدگ بیتگ –

اھوالکار ءِ رد ءَ گوستگیں شپ ءَ کنھوج ءَ دراتکگیں گاڑی دیم پہ بندر عباس ءَ روگ ءَ بیتگ کہ راہ ءِ نیم گور ءَ دگ ءِ وئیل ءِ آماچ بیتگ –

وئیل آماچ بیتگیں گاڑی ءَ پنچ مردم سوار بیتگ ءُ چریشی ءَ چار مردم ھما جاہ ءَ بیران بیتگ اَنت ءُ اشانی تہ ءَ یکے زدگ بیتگ –

بیران بیتگیں مردمانی اُمر ءِ کچ بیست ءُ پنچ سال ءَ داں سِی سال ءِ میان ءَ اِنت –

وئیل ءَ پد دمگ ءِ پھازداراں وت ءَ وئیل جاہ ءَ سر کرتگ ءُ جون ءُ زدگ بیتگیں مردم کَش اِتگ ءُ نادراہ جاہ ءَ سر کرتگ اَنت –