زامران پاکستانی پوج ءِ گوم ءَ جنگ ءَ سئے مردم بیران، ھیرونک ءَ دو جون دست کپتگ

گوستگیں روچ ءَ بلوچستان ءِ دمگ زامران ءَ پوج ءِ گوم ءَ جنگ ءَ سئے مردم بیران بوتگ وھدیکے تربت ءِ دمگ ہیرونک ءَ دو مردمے زانگولیں جون دست کپتگ کہ آ تیر جنگ ءُ کُشگ بوتگ انت –

سربوتگیں ھالانی رِد ءَ زامران ءِ ھنکین عبدوئی ءَ پاکستانی پوج ءِ گوم ءَ جنگ ءَ سئے مردم بیران بوتگ، وھدیکے پاکستانی پوج ءَ ھم مردمی تاوان رسگ ءِ ھال انت،

سر بیتگیں ھالانی رد ءَ انچو گوشگ بوھگ ءَ انت بیران بوتگیں مردمانی سیادی گوں بلوچ آجوئی لوٹوکیں سلاہ بندیں گلان انت، ـ بلے دنیگت ءَ بلوچ آجوئی لوٹوکیں گلانی نیمگ ءَ ھچ وڑیں درشان شنگ کنگ نبوتگ – وھدیکے سرکاری بنشون ءِ نیمگ ءَ ھم ھچ وڑیں درشان شنگ کنگ نبوتگ –

دومی نیمگ ءَ گوستگیں شپ ءَ تربت ءِ دمگ ہیرونک ءَ دو ورناھانی زانگولیں جون دست کپتگ کہ آ تیر جنگ ءُ کُشگ بوتگ انت، وھدیکے آھانی جان ءَ لٹ کُٹ کنگے نشان ھم پِر –

دمگی مردمانی گوشگ انت کہ دست کپتگیں جون زورانسری آوار جنگ بوتگیں مردمانی انت بلے دنیگت ءَ اے درگت ءَ گیشیں ھالانی ودار اِنت –