روکپتی بلوچستان یک ورنایے ایرانی لشکر ءَ آوار جتگ

دی بلوچستان پوسٹ

سر بیتگیں ھالانی رد ءَ روکپتی بلوچستان ءَ یک ورنایے ایرانی لشکر ءَ آوار جتگ ءُ برتگ-

اھوالکار ءِ رد ءَ روکپتی بلوچستان ءِ دمگ دشتیاری چھبار چہ آوار جنگ ءُ برگ بیتگیں ورناھے پجار یاسر ھوت ء بابو جھمنند دشتیاری پُلان ءِ نام ءَ زانگ بیتگ –

یاسر ھوت ءِ بیگواھی ءِ ھال روکپتی بلوچستان ءَ انسانی ھکانی گلاں گوں بندوکیں باسکاں راست کرتگ ءُ گْوشتگ کہ یاسر بیست ءُ پنچ نومبر ءَ وتی دکان ءَ نندوک بیتگ ءُ ایرانی چیریں ادارہ ءُ لشکر ءَ آوار جتگ ءُ برتگ –

انسانی ھکانی گل ءِ باسک ءِ رد ءَ کھول ءِ گوشگ اِنت کہ مارا ھمے ھال دیگ بیتگ یاسر چھبار ءِ زنداناں کَشگ ءُ زاھدان ءَ برگ بیتگ –

کھول ءَ گْوشت کہ یاسر ءَ دگہ میار ءُ گناہ نہ بیتگ ءُ آ وت سری گرگ ءُ برگ بیتگ باید مارا انساپ دیگ بہ بیت ءُ یاسر دیم ءَ آرگ بہ بیت –

انسانی ھکانی گل ءَ بندوکیں باسک ءَ گْوشت کہ روکپتی بلوچستان ءِ بازیں جاھاں ھمے وڑیں وئیل وھد وھد ءِ سر ءَ بیگ ءَ اَنت بلے باز ھنچیں جاہ ءُ ھند ھست اَنت آیانی ھال مارا سر نہ بنت –