روکپتی بلوچستان ءَ کرونا ویروس گیش، یک سد ءُ ھشتاد ءُ چار مردم نادراھی ءِ آماچ بیتگ اَنت

دی بلوچستان پوسٹ

سر بیتگیں ھالانی رد ءَ روکپتی بلوچستان ءَ جھانی نادراہ کرونا ویروس گیش بیتگ ءُ دگہ یک سد ءُ ھشتاد ءُ چار مردم ھمے نادراھی ءِ آماچ بیتگ اَنت –

دُزاپ ءِ نادراہ جاہ ءِ مزنیں ڈاکٹر ءَ گْوشتگ کہ سیستان و بلوچستان ءَ کرونا ویروس گیش بیگ اِنت کہ گوستگیں روچ ءَ دگہ یک سد ءُ ھشتاد مردم ھمے نادراھی ءَ گپتگ اَنت –

نادراہ جاہ ءِ ڈاکٹر ءَ گْوشتگ کہ نوکیں نادراھانی آیگ ءَ پد کرونا ویروس ءَ گپتگیں مردمانی کَچ بیست ءُ دو ھزار ءُ چار سد ءَ نود ءُ شش ءَ سر بیتگ اَنت –

ڈاکٹر ءَ گوشتگ کہ کرونا ءَ گپتگیں مردمانی گیشتریں کَچ دُزاپ “زاھدان ” ئیگ اَنت –

ڈاکٹر ءَ گْوشت کہ اے نادراھانی تہ ءَ یک سد ءُ پنجاہ ءُ پنچ مردمانی دار ءُ درمان بیگ ءَ اَنت ءُ بلوچستان ءِ تہ ءَ سَے سد ءُ بیست ءُ چار مردمانی جاور نگیگ اَنت ءُ آ مزنیں تھتیگ اَنت –

آئی ءَ گْوشت کہ بلوچستان ءَ کرونا ءَ بیران بیتگیں مردمانی کَچ نُھ سد ءُ شست ءُ پنچ ءَ سر بیتگ اَنت ءُ گوستگیں روچ ءَ ھشت مردم ھمے نادراھی ءَ بیران بیتگ اَنت –