پروفیسر لیاقت سنی یلہ کنگ بیتگ

دی بلوچستان پوسٹ

گوستگیں روچ ءَ مستونگ ءَ بیگواہ بیگواہ بیتگیں بلوچستان شھدربرجاہ ءِ پروفیسر لیاقت سنی یلہ کنگ بیتگ –

ٹی بی پی ءَ سر بیتگیں ھالانی رد ءَ بلوچستان ءِ مزن شھدربرجاہ ءِ براھوئی ءِ سروک پروفیسر لیاقت سنی کہ گوستگیں روچ ءَ مستونگ ءَ دگہ دو استادانی ھمراھی ءَ بیگواہ بیتگ اَت ءُ پد ءَ آئی ءِ ھمراہ دو پروفیسر آوار جنوکاں یلہ کرتگ اِت اَنت ءُ لیاقت سنی وتی ھمراھی ءَ برتگ اَت –

پروفیسر لیاقت سنی ءِ آوار جنگ ءِ ھلاپ ءَ بلوچستان ءِ سیاسی پاٹیاں ھوار نودربر ءُ وانگی گلاں ترندیض رنگے ءَ زھرشانی بندات کرتگ اَت –

جتا جتائیں گلانی زھرشانی ءَ پد مروچی سھب ءَ مزن شھدربرجاہ ءِ پروفیسر لیاقت سنی بنجاھی شھر شال ءَ یلہ کنگ بیتگ ءُ وتی لوگ ءَ سر بیتگ –

نزیکیں مردماں لیاقت سنی ءِ یلہ بیگ ءِ ھال راست کرتگ –