ایران ءِ مزن نامیں ایٹمی زانتکار محسن فخری زاد ءَ اُرشے ءَ بیران بیتگ

ایرانی زھرناکیں بمب زانتکار کہ آئی ءِ بارہ ءَ روکپت ءَ بازیں وھداں گمان کنگ بیتگ آ گمانی ءَ ایران ءِ چیریں بمب ایٹمی سلاہ ءِ سوج کار اِنت، آ ایران ءِ سرکاری رسانکدر ءِ رد ءَ تھران ءِ نزیک ءَ کُشگ بیتگ –

دی بلوچستان پوسٹ

ایرانی رسانکدر ءِ رد ءَ محسن فخری زاد گاڑی ءَ سوار بیتگ ءُ آ تیرگوار کنگ ءُ زدگ کنگ بیتگ ءُ آئی ءَ زدگیں جاوراں نادراھجاہ ءَ سر کنگءَ بیتگ اَنت بلے آئی ءَ ٹپ نہ سگ اِتگ ءُ بیران بیتگ –

آ مزنیں ڈیھانی نگاھاں دوھزار ءُ سیزدہ ءَ چیریں ایٹمی دیوانانی سروکی ءِ نام ءَ زانگ بیتگ –

زانگ بہ بیت ایران بازیں وھداں زھرناکیں بمبانی جوڑ کنگ ءَ رد کنگ ءَ اِنت –

ایران ءِ سلاہ بندیں پوج ءِ نیمگ ءَ استانی رسانکدراں شنگ کرتگیں درشان ءِ تہ ءَ گْوشتگ کہ بدبھتی ءَ دار ءُ درمان کنوک آئی ءِ زندگ کنگ ءَ بے سوب بیتگ اَنت ءُ آ بیران بیتگ –

ایران ءِ ھال شنگ کنوکیں ادارہ تسنیم ءِ رد ءَ ناشرکاراں بنجاھی شھر ءِ پتر ءَ ڈن ءِ سر بستگ اش ءُ فخری زادہ ءُ آئی پھازوکانی سر ءَ تیرگواری اش کرتگ –

آ ایران ءِ نیمگ ءَ یکیں ایٹمی زانتکار بیتگ کہ آئی ءِ نام 2015 میان اُستمانی زھرناکیں ٹپاسکاریں کارگسکارانی نیمگ ءَ ایرانی ایٹمی دیوانانی “گڈی ٹپاس کاری ” ءَ ھوار بیتگ –