بلوچستان: شاھرگ ءَ دکانے ءِ سر ءَ دزبمب اُرش

دی بلوچستان پوسٹ

ٹی بی پی پتر ھال ءَ سر بیتگیں ھالانی رد ءَ ھرنائی ءِ دمگ شاھرگ ءِ بازار ءَ بیکری دکان ءِ سر ءَ ناشناسیں مردماں دزبمبے چگل داتگ –

دزبمب اُرش ءَ بنداتی ھالانی تہ ءَ یک مردمے زدگ بیتگ ءُ دمگ ءِ نادراہ جاہ ءَ برگ بیتگ –

دمگی مردمانی رد ءَ بمب اُرش ءَ یک مردمے زدگ بیتگ ءُ بلے تنی وھدی آئی ءِ پجار نہ بیتگ –

زانگ بہ بیت اے دمگ ءِ کش ءُ گوراں ھروھد ءَ سلاہ بندیں مردم پاکستانی پوج ءُ آئی کُمکاراں نشانگ کنگ ءَ اَنت کہ اشانی گیشتریں زمہ واریاں بلوچ سلاہ بندیں گل بی ایل اے منّگ ءَ اِنت بلے مروچی بیتگیں شاھرگ ءِ بازار ءَ بیکری ءِ سر ءِ اُرش کس ءَ تنی وھدی نہ منّ اِتگ –