سبی ءَ پاکستانی پوج ءِ پانگس ءِ سر ءَ اُرش، اُرشے زمہ واری بی ایل اے ءَ منّ اِتگ

دی بلوچستان پوسٹ

کرمووڈہ ءَ پاکستانی پوج ءِ پانگس ءِ سر ءَ اُرش کُتگ جانی ءُ مالی تاوان داتگ – جئیند بلوچ

ٹی بی پی پتر ءَ سربوتگیں ھالانی رِد ءَ گوستگیں روچ ءَ بیگاہ ءِ وھد ءَ ناشُناسیں سلاہ بندیں مردماں بلوچستان ءِ دمگ سبی کرمووڈہ ءَ پاکستانی پوج ءِ پانگس ءِ سر ءَ اُرش کُتگ – اُرش ءَ پاکستانی پوج ءَ جانی ءُ مالی تاوان رس اِتگ- اُرشکار جنگ جاہ ءَ درآیگ ءُ رؤگ ءَ سوبین بوتگ انت –
دومی نیمگ ءَ مروچی بلوچ آجوئی لوٹوکیں سلاہ بندیں گل بلوچ لبریشن آرمی ءِ جارکش جئیند بلوچ ءَ رسانکدراں وتی شنگ کرتگیں درشان ءِ تہ ءَ اے اُرش ءِ زمّہ واری منّ اِتگ ءُ گوشتگ کہ مئے سرمچاراں سبی ءِ دمگ کرمووڈہ ءَ پاکستانی پوج ءِ پانگس ءِ سر ءَ اُرش کُتگ –

جارکش ءَ گوشتگ اُرش ءَ مزنیں سلاہ کارمرز کنگ بوتگ چریشی ءِ آسر ءَ زورگپتیں پوج ءَ جانی ءُ مالی تاوان رس اِتگ –