پھرہ ءَ یک دکانے ءِ سر ءَ ناشناساں تیرگواری کرتگ ءُ یک مردمے کُشتگ

دی بلوچستان پوسٹ

سر بیتگیں ھالانی رد ءَ روکپتی بلوچستان ءِ دمگ پھرہ “ایرانشھر ” ناشناسیں مردماں یک دکانے ءِ سر ءَ تیرگواری کُرتگ ءُ یک مردمے کُشتگ –

اھوالکار ءِ رد ءَ مروچی پھرہ ءَ یک دکانے ءِ سر ءَ تیرگواری کُرتگ ءُ عادل دوستکام نامے مردمے کُشتگ –

وئیل عادل ءِ دکان ءَ پیش اتکگ پھرہ ءِ شھر ءَ ناشناسیں سلاہ بندیں مردماں آئی ءِ دکان ءِ تہ ءَ تیرگواری کُرتگ ءُ آ کُشتگ –

تیرگواری ءَ پد تیرگواری کنوک سُبکی ءَ درایگ ءُ روگ ءَ سوبین بیتگ اَنت-

دمگی مردمانی گوشگ اِنت کہ روکپتی بلوچستان ءَ سلاہ بندیں مردم لس مردماں تیرگواری کنگ ءُ کُشگ ءَ اَنت بلے آیاں جُست ءُ پُرس کنوک نیست اِنت –

آیاں گْوشت کہ سلاہ بند کنوکیں مردمانی پُشت ءَ ایران ءِ چیریں دست ھوار اَنت پمیشکا اے مردم آسانی ءَ کاینت ءُ مردمانی سر ءَ تیرگواری کن اَنت روچ ء رھمان پد ءَ روگ ءَ سوبمند بنت –