کیچ زامران ءَ پاکستانی پوج ءِ سرا اُرش، اُرش ءِ زمّہ واری یو بی اے ءَ منّ اِتگ –

گونجتو ءَ پاکستانی پوج ءِ کارمند تراک ناکیں شوروانی نشانگ کُتگ – مزار بلوچ

دی بلوچستان پوسٹ

ٹی بی پی پتر ءَ سربوتگیں ھالانی رِد ءَ مروچی سھب ءَ زامران ءِ دمگ گونجتو ءَ ناشناسیں سلاہ بندیں مردماں پاکستانی پوج چیرکتگیں تراک ناکیں شوروانی نشانگ جوڑ کتگ – چیرکتگیں شوروانی تراک ءَ پاکستانی پوج ءَ جانی تاوان رس اِتگ –

دومی نیمگ ءَ یونائیٹڈ بلوچ آرمی ءِ جارکش مزار بلوچ ءَ رسانکدراں وتی شنگ کرتگیں درشان ءِ تہ ءَ اے اُرش ءِ زمہ واری منّ اِتگ ءُ گوشتگ کہ مروچی سھب ءَ ادار شش ءُ نیم ءَ مئے سرمچاراں زامران ءِ دمگ گونجتو ءَ زورگپتیں پوج ءِ یک کارمندے ھما وھد ءَ چیر کتگیں شوروانی نشانگ جوڑ کتگ اَنت کہ وتی بنجل ءِ ھاتر ءَ آپ ءِ آرگ ءَ رؤگ ءَ بوتگ – شوروانی تراک ءَ ایف سی ءِ کارمند ھما دمان ءَ مرتگ وھدیکے ایف سی مُرتگیں کارمند ءِ لاش بیست چار ساھت ءَ داں ھمودا کپتگ بوتگ پد ءَ رند ءَ ایف سی ءِ کارمنداں وتی سپاھیگ ءِ لاش پراؤیٹ گاڑی سر ءَ دمگی نادراھجاہ ءَ سر کُتگ –