نمیرانیں صباء دشتیاری ءِ نمدیانی چاپگ ءِ واستا ءَ چِن ءُ لانچ بیگ اِنت

دی بلوچستان پوسٹ

دی بلوچستان پوسٹ رسانکدر ءِ اھوالکار ءِ رد ءَ سیدھاشمی ریفرنس کتاب جاہ ءِ نیمگ ءَ نمیرانیں صباء دشتیاری ءِ نمدیانی چاپگ ءِ واستا چِن ءُ لانچ بیگ اِنت-

اھوالکار ءِ رد ءَ جار ءَ دزبندی کنگ ءُ گوشگ بیتگ کہ صباء دشتیاری ءَ ھرکسے ءِ سر ءَ نمدیاں پما سر بہ کن اَنت –

آیانی گوشگ اِنت صباء دشتیاری ءِ نمدیانی یکجاہ کنگ ءُ آیاں پہ وانوکاں یک کتابے ءِ دروشم ءَ دیم ءَ آرگ اِنت چریشی ءَ لبزانک ءُ بلوچی ءِ وانوکاں سِیتمندی اِنت –

آیاں وتی جار ءِ تہ ءَ گْوشتگ کہ ھرکسے ءِ سر ءَ اگاں نمیرانیں صباء ءَ نبشتگ کرتگ گڑا آ وتی نمدیاں سید ھاشمی ریفرنس کتاب جاہ ملیر کراچی شمئے منت ءَ گپت ءُ ڈس ءُ نشاناں سید ھاشمی ریفرنس کتاب جاہ ملیر برج ءُ نزیک انور بلوچ ھوٹل دھکان گارڈن ملیر کراچی ءَ بہ رسین اَنت –

آیانی گوشگ اِنت کسے ءَ اگاں ایمل ءَ مارا صبا ء نمدی دیم دیگی اَنت گڑا وتی نمدیاں کتاب ءِ داتگیں ڈسی ایمل ءَ روان اش بہ دے اَنت –