راسک ءَ ایرانی لشکر ءَ نیکراھی نودربرے گوں ھمراہ ءِ پت ءَ دزگیر

روکپتی بلوچستان ءَ ایرانی پوج ءُ چیریں ادارھانی زور پہ مولانا کوھی ءِ نزیکیں کساں زور اِنت –

دی بلوچستان پوسٹ

سر بیتگیں ھالانی رد ءَ روکپتی بلوچستان ءَ ایرانی چیریں ادارہ اطلاعات ءَ راسک ءَ سَے مردم دزگیر کرتگ ءُ برتگ اَنت –

اھوالکار ءِ رد ءَ پشامگ ءَ نیکراھی وانگ جاہ انوار الحرمین ءِ نودبرے گوں وتی پِت ءِ ھمراھی ءَ دزگیر کنگ ءُ برگ بیتگ اَنت –

پشامگ ءِ نیکراھی وانگ جاہ ءَ آوار جنگ بیتگیں نودربر ءِ پجار شھرام دُرزادہ ءِ نام ءَ پجارگ بیتگ –

اھوالکار ءِ رد ءَ پشامگ ءِ مزنیں مست ءِ امام پیشوک مولانا اکرم کوھی دزگیر کرتگ ءُ برتگ –

اھوالکار ءِ رد ءَ ھاپز مھمد اکرم ءِ اے اولی رند نہ اِنت کہ گرگ ءُ برگ بیگ ءَ اِنت چریشی ءَ پیسر آ ھم چیریں ادارھانی نیمگ ءَ برگ ءُ مولانا کوھی ءِ درگت ءَ برگ ءُ جست ءُ پرس کنگ بیتگ –

اھوالکار ءِ رد ءَ دمگی مردماں گْوشتگ کہ اے مولانا کوھی ءِ بارہ ءَ گرگ ءُ برگ بیتگ اَنت –

زانگ بہ بیت مولانا کوھی گوستگیں سال ءِ نومبر ءَ ایران ءِ چیریں ادارھاں دزگیر کرتگ ءُ برتگ کہ تنی وھدی بندیگ اِنت –

چاگردی مردمانی گوشگ اِنت مولانا کوھی راجدوست ءُ نیکراھی وانگ انوارالحرمین ءِ سروک اِنت کہ اے وھد ءَ بندیگجاھاں بندیگ اِنت –

چاگردی مردمانی گوشگ اِنت کہ ایرانی آمیدگس مولانا کوھی ءَ یلہ بہ کنت ءُ آئی ءَ آجوئی بہ دنت اے وڑ ءَ آئی ءِ بندیگ کنگ ءُ چہ آئی ءِ بندات کرتگیں کاراں گستائی اِنت –