بلوچستان ءَ دو جتا جتائیں وئیلاں دو مردم بیران، دو ٹپی

کچلاک ءَ دگ ءِ وئیل ءَ دو مردم بیران، ڈیگاری ءَ اشکرانی کاریز ءَ کرود ءِ کپگ ءِ سوب ءَ دو کاریز کار چیر تر اِتگ ءُ زدگ بیتگ اَنت –

دی بلوچستان پوسٹ

اشکرانی کونچک ءَ بازیں کاریزکار ریکانی چیر ءَ بار گپتگ ءُ بیران ءُ زدگ بیتگ اَنت –

ھمے وڑ ءَ بلوچستان ءِ دمگ کچلاک بوستان ءَ دگ ءِ وئیل ءَ دو مردم بیران بوتگ اَنت –

وئیل بوستان ءِ دمگ کلی ناسران ءَ دیم ءَ اتک کہ ڈائیو بس ءَ گوں گاڑی ءَ ڈیک وارتگ – ڈیک ورگ ءِ سوب ءَ گل احمد ء حاجی احمد ھما دمان ءَ بیران بوتگ ءُ گلزمان ساسولی زدگ بوتگ کہ ھسپتال ءَ برگ بوتگ انت کہ نیم راہ ءَ ٹپانی درد نہ سگ اِتگ اَنت بیران بوتگ –

زانگ بہ بیت بلوچستان ءِ دگ ءِ وئیلاں بازیں مردم بیران ءُ زدگ بیتگ اَنت –

ھمے وڑ ءَ مروچی بلوچستان ءَ دگ ءِ وئیلاں بیران بیتگیں مردمانی یات ءَ مراگش دارگ بیتگ –

بلوچستان یوتھ اینڈ سول سوسائٹی ءِ رھشوناں لوٹ کرتگ بلوچستان ءِ دراھیں مزنیں شھدگاں ھمے جتا بہ جنت ءُ دو دیمی بہ کنت ٹراما سینٹر جوڑ بہ کنت دانکہ گرانبھائیں مردمانی جان بہ رک اَنت –

آیاں گوشت کہ ھمے سال ءِ مارچ ءَ بہ گر داں ستمبر ءَ بلوچستان ءِ مزنیِ شھدگاں پنچ ھزار ءُ چار سد ءُ پنجاہ ءُ یک وئیل بیتگ اَنت ءُ چریشی ءَ ھپت سد ءُ چِل ءُ ھپت مردم بیران ءُ ھشت ھزاع ءُ دو سد ءُ پنجاہ ءُ ھپت مردم زدگ بیتگ اَنت آیاں گْوشت اگاں مئے لوٹ سرجم کنگ نہ بیت اَنت گڑا دو بر وڈھ ءَ داں شال ءُ شال داں چمن ءَ داں پندی روانک ءِ کشگ بیت اِنت –

زانگ بہ بیت چریشی ءَ پیسر بلوچستان ءِ مزن شھدربرجاہ ءَ داں شال ءِ پریس کلب ءَ دگ ءِ وئیلاں بیران بیتگیں مردمانی یات ءَ روانک کش اِتگ ءُ ایشی ءَ بلوچستان یوتھ اینڈ سول سوسائٹی ءِ رھشون ءُ نودربراں بھر زرتگ اَنت –