نبشتانک:سیزدہ نومبر
نبشتہ کار: میار دشتی
دی بلوچستان پوسٹ
سیزدہ نومبر ءُ پد ءَ من ءُ منی نَد؟ ناں من ءَ چُشیں بودے ھست ءُ نیکہ منی ند ءَ چُشیں ھاٹیگ ءُ کمالے ھست کہ پہ سیزدہ نومبر ءَ اِسپیتیں تاکے سیاہ بہ کنت۔
بلے من وت ابکّہ ءُ ھیراناں کہ سیزدہ نومبر ءَ زاناں ھنچیں دلچسپی ءُ ھدوناکی یے گوں کہ منی ند اَنچوش شیداہ ءُ اَگول اِنت کہ منی بے توکلیں لنکُکاں گوں وت ءَ ٹٹایگ ءَ اَنت، بیت کُت کنت سیزدہ نومبر اَنچوش مھروان اِنت کہ منی ند گوں ملارے ءَ منی لنکُکاں گوں امباز اِنت۔
ھَو ند ءَ میار پِر نیست کہ دوشِی ءُ مرچگیں روچ ءِ بزاں (سیزدہ نومبر) ءِ رسانکدری مھروانی ءُ ھدوناکی ءَ منی وڑیں ناسرپد ءُ نازانتیں بنیآدمے پہ شیدائی گوں وت ءَ بندوک کُت۔
بلے نی من ھمے سرپد ءُ پھم اِت کہ سیزدہ نومبر ھما روچ اِنت کہ بلوچ راج ءُ بلوچ ورناہ پہ لَج، پہ راج ءُ ھاک ءَ ندر بیتگیں سراں یک پہ یکّ ءَ یات کنت بلکیں ایوک یات ناں آھانی پگر ءَ گوں وتی پگر ءَ جوڑ دنت ءُ بلکیں تھنا سیزدہ نومبر ءَ ناں سھت پہ سھت دمان پہ دمان بلوچ شھیدانی پگر ءَ گوں وت ءَ زندگ داریت۔
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کارے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔