شاپک ءَ پاکستانی پوج ءِ سر ءَ بیتگیں اُرش ءِ زمہ واری بی ایل ایف ءَ منّ اِتگ

دی بلوچستان پوسٹ

پاکستانی پوج ءِ چوکی ءِ سر ءَ اُرش کرتگ ءُ دو کارندہ کُشتگ اَنت ءُ آدگہ زدگ کرتگ اَنت- گوھرام بلوچ

بلوچستان لبریشن فرنٹ ءِ جارکش میجر گوھرام بلوچ ءَ رسانکدراں شنگ کرتگیں وتی درشان ءِ تہ ءَ گْوشتگ کہ آدینگ ءِ بیگاہ ءِ ساھت شش ءَ سرمچاراں کیچ ءِ دمگ شاپک ڈیم ءَ ھستیں پوجی چوکی ءِ سر ءَ راکٹ ءُ مزنیں سلاھانی گون ءَ اُرش کرتگ –

جارکش ءَ گْوشت کہ اُرش ءَ پاکستانی پوج ءِ دو کارندہ مرتگ ءُ آدگہ زدگ بیتگ اَنت –

میجر گوھرام بلوچ ءَ گْوشت کہ پاکستانی پوج ءِ سر ءَ مئے اُرش بلوچستان ءِ آجوئی ءَ داں برجاہ مان اَنت –