پاکستان ءَ کرونا نادراھی ءَ بیست ءُ چار ادارانی تہ ءَ سِی مردم بیران

دی بلوچستان پوسٹ

جھانی نادراھی نیزور بیگ ءَ پد پد ءَ یک رندے بازیں جاھاں گیش بیان اِنت ءُ پاکستان ءَ داں انگت ءَ شش ھزار ءُ نُھ سد ءُ بیست ءُ سَے مردم بیران بیتگ اَنت –

گیشیں ھالانی رد ءَ پاکستان ءَ بیست ءُ چار ادارانی تہ ءَ سِی مردم کرونا نادراھی ءَ بیران بیتگ اَنت یک ھزار ءُ سَے سد ءُ ھپتاد ءُ شش مردمانی نادراھیانی گپ دیم ءَ اتکگ اَنت –

چاگردی ھالانی تہ ءَ بیست ءُ چار ادارانی تہ ءَ چار سد ءُ بیست ءُ یک مردم اے نادراھی ءَ دراہ بیتگ اَنت ءُ اے نوکیں نادراھانی آیگ ءَ گوں سَے لَک ءُ چِل ھزار ءُ دوسد ءُ پنجاہ ءُ یک مردمانی کَچ ءَ سر بیتگ اَنت –

سرجمیں ڈیھ ءَ کرونا وائرس ءَ داں انیگ ءَ شانزدہ ھزار ءَ دو سد ءُ چِل ءُ دو مردم نادراہ، قرنطینہ ءُ لوگانی تہ ءَ ڈبگ بیتگ اَنت کہ چریشانی تہ ءَ ھشت سد ءُ سِی مردمانی جاور نگیگ گوشگ بیگ ءَ اِنت ءُ اے نادراھی ءَ سَے لَک ءُ ھبدہ ھزار ءُ ھشتاد ءُ شش نادراہ وش بیتگ اَنت –

پاکستان ءِ اُستانانی تہ ءَ کرونا نادراھی ءَ گپتگیں مردمانی کچ درستاں گیشتر سندھ ءَ اَنت کہ اے وھد ءَ نادراھانی کچ یک لَک ءُ چِل ھزار ءُ سَے سد ءُ چِل ءُ سَے ءَ سر بیتگ اَنت ءُ بیران بیتگیں مردمانی کَچ دو ھزار ءُ شش سد ءُ شست ءُ شش ءَ سر بیتگ اَنت –

ھمے وڑ ءَ پنجاپ ءَ نادراھانی کچ یک لَک ءُ پنچ ھزار ءُ ھشت سد ءُ پنجاہ ءُ شش ءَ بیتگ اَنت بیران بیتگیں مردمانی کَچ دو ھزار ءُ سَے سد ءُ نود ءَ سر بیتگ اَنت –

ھیبرپکتونواہ ءَ نادراھانی کَچ چِل ھزار ءُ یک سد ءُ چِل ءُ ھشت ءَ سر بیتگ اَنت بیران بیتگیں مردمانی کَچ یک ھزار ءُ دو سد ءُ ھشتاد ءُ ھپت ءَ سر بیتگ اَنت –

پاکستان ءِ بنجاھی شھر اسلام آباد ءَ نادراھانی کَچ بیست ھزار ءُ نُھ سد ءُ شست ءُ ھپت ءَ سر بیتگ اَنت وھدیکہ اے نادراھی ءَ دو سد ءُ سِی ءُ یک مردم بیران بیتگ اَنت –

زیردستیں بلوچستان ءَ کرونا نادراھی ءَ گپتگیں مردمانی کَچ شانزدہ ھزار ءُ سِی ءُ سَے ءَ سر بیتگ اَنت بیران بیتگیں مردمانی کَچ یک سد ءُ پنجاہ ءُ دو ءَ سر بیتگ اَنت-

گِلگت بلتستان ءَ چار ھزار ءُ سَے سد ءُ سِی ءُ دو مردم اے نادراھی ءِ آماچ بیتگ اَنت ءُ نود ءُ دو مردم بیران بیتگ اَنت –