نیکشھر ءَ گاڑی دگ ءِ وئیل آماچ پنچ زدگ، یکے بیران

دی بلوچستان پوسٹ

سر بیتگیں ھالانی رد ءَ روکپتی بلوچستان ءِ دمگ نیکشھر ءَ یک گاڑی دگ ءِ وئیل ءِ آماچ بیتگ ءُ چریشی ءِ آسر ءَ پنچ مردم زدگ بیتگ اَنت ءُ یک مردمے بیران بیتگ-

اھوالکار ءِ رد ءَ گوستگیں شپ ءَ چہ نیکشھر ءَ چھبار ءَ رؤکیں گاڑی کلٹی بیتگ ءُ چریشی ءَ گاڑی ڈرائیور بیران ءُ گاڑی ءَ سواریں دگہ پنچ مردم زدگ بیتگ اَنت –

اھوالکار ءِ رد ءَ وئیل نیکشھر ءُ چھبار ءِ میانی دمگ کریندوک ءَ دیم ءَ اتکگ ءُ بیران بیتگیں مردم ءِ پجار وھید رئیسی جھمنند ساربوک ءِ نام ءَ زانگ بیتگ –

بیران ءُ زدگ بیتگیں مردم نیکشھر ءِ نادراہ جاہ ءَ سر کنگ بیتگ اَنت ءُ زدگ بیتگیں مردم ٹپانی درمانی ءَ بیگ ءَ اَنت ءُ بیران بیتگینے جون کھول ءِ گور ءَ سر کنگ بیتگ –

اھوالکار ءِ رد ءَ زدگ بیتگیں پنچیں مردمانی جاور نگیگ اَنت ءُ نیکشھر ءِ نادراہ ءَ آیانی ٹپ درمان کنگ بیگ ءَ اَنت –