روکپتی بلوچستان ءَ بندیگیں بلوچے یلہ کنگ بیتگ

دی بلوچستان پوسٹ

سر بیتگیں ھالانی رد ءَ روکپتی بلوچستان ءِ بنجاھی شھر دزآپ “زاھدان ” ءَ بندیگیں بلوچے یلہ کنگ بیتگ –

یلہ بیتگیں مرد ءِ پجار مُلا نورالدین کاشانی ءِ نام ءَ زانگ بیتگ –

اھوالکار ءِ رد ءَ مُلا نورالدین کاشانی ھپت سال ءَ پیسر دزاپ ءَ ایرانی لشکر ءَ گپتگ ءُ برتگ –

اھوالکار ءِ رد ءَ مُلا نورالدین ءِ سر ءَ بھتام بیتگ کہ آ ڈیھ ءَ ایرانی لشکر ءِ سر ءَ اُرشاں ھوار بیتگ –

مُلا نورالدین ءِ یلہ بیگ ءِ ھال چاگردی رسانکدر ءُ انسانی ھکانی واستا کارکنوکیں خلیل اللہ بلوچ ءَ ھم راست کرتگ ءُ گوشتگ کہ مُلا نورالدین ھپت سال ءِ زندانی ءَ پد یلہ کنگ بیتگ –