دی بلوچستان پوسٹ
پنجگور وشبود ءَ گوستگیں روچ ءَ سلاہ بندیں مردماں یک ورنایے آوار جتگ ءُ گوں وت برتگ –
سر بیتگیں ھالانی رد ءَ گوستگیں روچ ءَ پنجگور ءِ دمگ وشبود ءَ سیاہ کانچیں ویگو گاڑی ءَ سواریں سلاہ بنداں ضمیر ء مھمد نور نامے ورنایے آوار جتگ ءُ گوں وت برتگ –
دمگی مردمانی رد ءَ آوار جنوکانی سیادی ریاست چیردستی ءَ پرکاریں ڈیتھ اسکواڈ ءَ اِنت بلے تنی وھدی آوار جنی ءِ سوب زانگ نہ بیتگ –
زانگ بہ بیت بلوچستان ءِ جتا جتائیں ھند ءُ دمگاں پاکستانی پوج ءَ ڈیتھ سلاہ بند شنگ کرتگ اَنت کہ آئی ءَ ڈیتھ اسکواڈ گوش اَنت ءُ آجوئی لوٹوکانی بھتام اِنت کہ آ پاکستان پوج ءَ سرجم ءَ مھار یلہ کرتگ اَنت بلوچستان ءَ بلوچ آجوئی لوٹوکانی آوار جنگ ءُ کُشگ ءَ ابید وتی ھند ءُ دمگاں چاگردی سلکاریاں ھوار اَنت –