پاکستانی پوج ءِ دست ءَ گپتگیں دو مردم یل کنگ بیتگ ءُ یکے بیگواہ

دی بلوچستان پوسٹ

گوستگیں روچ ءَ بنداتی ھالانی تہ ءَ گوشگ بیتگ اَت کہ گوادر ءَ پاکستانی پوج ءُ چیریں ادارھانی کارمنداں ٹی ٹی سی کالونی ءَ شش نودربر آوار جتگ ءُ برتگ چِد ءُ پد سرجمیں ھالانی رد ءَ گِپتگیں مردم سَے بیتگ اَنت –

گیشیں ھالانی رد ءَ گوستگیں روچ ءَ پاکستانی پوج ءُ چیریں ادارھانی کارمنداں ٹی ٹی سی کالونی ءَ بیڑ برتگ ءُ اود ءَ سَے مردم آوار جتگ ءُ برتگ اَت –

آوات جنگ بیتگیں کسان سالیں نودربر بیتگ اَنت ءُ دیوالانی سر ءَ بلوچستان ءِ آجوئی لوٹگ ءِ ھک ءَ نبشتگ اِش کرتگ ھمے بھتام ءَ گرگ ءُ برگ بیتگ اَنت –

آوار جنگ بیتگیں نودربرانی پجار سعید، سوید ءُ سمیر ءِ نام ءَ زانگ بیتگ اَنت ءُ مروچی سھب ءِ ساھت ھپت ءَ سعید ءُ سوید یل بیتگ ءُ وتی لوگاں سر بیتگ اَنت ءُ اشانی ھمراھی ءَ گپتگیں سمیر یل کنگ نہ بیتگ –