روانک پہ زانت ءَ- واھد بلوچ

نبشتانک: روانک پہ زانت ءَ

نبشتہ کار: واھد بلوچ

وانگ ھرچ کوم ءِ بُنکی ھَک اِنت، اے دُگنیا ءِ تہ ءَ ھرچ انسان ءَ را آزادیں زندے گْوازینگ ءِ ھَک ھست ءُ وتی ھَک ءِ واست ءَ روانک کَشّگ ءُ آواز چست کنگ ءِ ھم ھک دیگ بوتگ ، اے ھَکانی پاسبانی ءِ واست ءَ گیر مُلکی گَل ھست اَنت بلے مرچی بلوچستان ءِ لوگ لوگ ءَ آس روک اِنت، مروچی بلوچ ءِ ھرچ بُنکّی ھَک چہ آیاں پچگرگ بوتگ اَنت ، چوناھا بلوچستان ءَ گوں بے پِتیں پاکستان ءَ ھِچ وڑیں سیادی نیست اِنت بلے زوریں سیادی ءُ وتسریں ھاکمی ءَ چہ پَد ھما بلوچ اِنت کہ پہ وتی ھک ءِ شوھاز ءَ در اَتگ۔

آ بلوچ شھید“ پرنس کرؔیم” “شھید نورؔوز ھان” “شھید مجید بلوچ” ءُ مروچی ما گِند ایں ھرچ بلوچ پہ ھَک ءِ واست ءَ روڈانی سر ءَ گِندگ بیت ھرچ کوم ءُ مذھب ءِ توک ءَ وانگ ءُ زانگ ھرچ انسان ءِ بُنکّی ھَک اِنت-

بلے مروچی ھرکس سر پد اِنت کہ بلوچستان ءَ وانگجاہ چون انت ءُ اود ءَ زانتکار ءُ راست گوشیں نودربرانی گوما چے بوْگ ءَ اِنت بلوچستان ءَ شریں وانگ نہ بوْگ ءُ پیس ءُ آ دگہ ھرچانی گرانی ءِ سوب ءَ بلوچ نودربر پنجاپ ءَ رو اَنت کہ اود ءَ بلوچستان ءِ جِند ءِ ریزب سیٹ ھست اَنت-

دومی هبر اِیش اِنت کہ گریبیں مردم همے اسکالرشپ هانی پُشت ءَ وت پہ کش انت ءُ دیم ءَ پِیداک اَنت-

بلے مرچی بلوچ ءِ اِے ھَک هم چہ آئی ءَ پچ گِرگ بوتگ، پمے ھاتر ءَ مروچی پنجاپ ءِ توک ءَ ھرچ بلوچ ءِ پہ وتی بنکی ھَک “زانت” ءِ واست ءَ روانک کَشّ اِتگ-

بلوچستان یک اَنچیں جاھے کہ 1948 بِگر داں روچ ء مرچی بلوچ ءَ را وانگ ءَ چہ دور دارگ بوْگ ءَ اِنت مروچی دنیا کجا سر اِنت بلے “بلوچ آباد” ءَ وانگجاہ ءِ گِندگ نہ بیت- ھرکس شر سرپد اِنت کہ بلوچ نودربر چونیں وانگجاھاں چے ءُ چونیں جاورانی دیمپانی گوں وتی زِند ءَ گوْازینگ ءَ اَنت ءُ وت ءَ چون کجام جاوراں پنجاپ ءَ مزنیں شاہ دربرجاھاں سر کنگ ءَ اَنت-

اِے ھمے بلوچ نودربر انت کہ کُڈّک ءُ گرمیں روچ ءِ سر ءَ اِیشانی وانگجاہ بوتگ اَنت، اِے دور ءِ توک ءَ بلوچستان ءِ بازیں جاگاھاں وانگجاہ نیست اِنت، اگاں ھست اَنت اوں گُڑا اود ءَ ٹیچر نیست اِنت بلے انگت مئے گریبیں مات ءُ پت گوں گریبی ءُ گژن ءَ جنگ کنان وتی چُکّاں ڈنّ ءَ دیم دے اَنت پہ وانگ ءَ

بلے همے نودربر مروچی سوشل میڈیا آ شریں وڑے ءَ گِندگ بیت ءُ هرکس زانت اِے نودربر چہ آ جُھد کنگ ءَ اَنت بلے کسے ءِ گوش ءَ مورے ھم نہ وارت (دشت وگیابان کے واسی غربت کی لپیٹ میں اور ظلم کے شکنجے میں پسا بلوچ طلبہ ظلم سہ سہ کر تعلیم کے لئے آواز بلند کر رہا ہے-)

بَلے ما گِند ایں کہ بلوچستان دُگنیا ءِ توک ءَ چارمی ملک اِنت، کہ اِد ءِ نودربر انگت پنجاپ ءِ روڈانی سر ءَ روانک کش اَنت ھمے نودربر کہ گوں گژن ءُ گریبی ءَ جنگ کنان پنجاپ ءَ رو اَنت مروچی لاھور ءُ اسلام آباد ءِ روڈانی سر ءَ تراولیں پاداں گوں انگت دیم ءَ روگ ءَ اَنت اے سردیں شپ، گژن، درامدی، بے وابی ءُ تراولیں پاداں اے سپر رواں کنت باید اِنت بلوچ نودربرانی ھک آیان ءَ دَیگ بہ بیت چے ءَ کہ اے بلوچ راج ءِ باندات اَنت ۔

دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔